翻芒全片幅 D750機動制霸

3.2吋翻揭式屏幕

單反相機予人嘅感覺既大部又墜手，D750卻用上全新碳纖複合物料，配合鎂合金機背和機頂，不僅令機身堅固耐用，同時大幅減少重量，令機身僅重750g，以全片幅單反來說算係輕磅，加上具備防塵、防濺水功能，就算落住雨影相都冇問題。以往Nikon嘅翻芒設計只配置於入門至中階機款，今次連全片幅大機都玩埋一份，喺新機嘅背面植入3.2吋翻揭式屏幕，能夠向上翻90度及向下翻75度，以高低角度拍攝時，唔使企高或趴低取景，靈活具彈性。

攝錄1,080@60p影片

內部規格則配備2,430萬像素的全片幅CMOS及EXPEED 4影像處理器，支援Hi 2（ISO 51,200）超高感光度，各位即使身處昏暗環境，都能夠保持一定快門速度，確保畫面清晰穩定。而拍片方面一樣出色，事關它可攝錄1,080@60p全高清影片，以每秒60格帶來流暢順滑表現。此外，新機內置51點自動對焦系統，喺低至-3EV嘅環境都能夠進行對焦，-3EV即係有幾暗？大約係身處月光照射下的漆黑環境，可想而知其對焦系統有幾勁！

機身用上全新碳纖複合物料，因此淨重750g，輕巧又堅固。 售價：$16,800（淨機身）

機背用上3.2吋翻芒，可向上翻90度及向下翻75度，以便靈活取景。

內置Wi-Fi功能

自從智能手機出現，不少相機相繼引入Wi-Fi功能，方便與手機Apps聯繫，惟以往嘅Nikon全片幅相機，要額外加裝配件方可接駁手機。新機卻打破先例內置無線功能，用家於相機Menu內開啟Wi-Fi，即可利用《Wireless Mobile Utility》手機App配對，能做到實時遙控拍攝和傳送影像，影大合照更加方便。值得一提，新機採用雙SD卡槽設計，兩張卡能用作備份相片之餘，亦可分別記錄相片及影片，迎合喜歡拍片的影友需要。

試相區 無論測光、白平衡的表現都極準確，尤其是光暗位自然具層次，畫質銳利細緻。	機旁設有HDMI、收音咪、耳筒等多個插口，細心的話還會發現印有「Wi-Fi」字樣。	新機棄用CF記憶卡，改以雙SD卡槽，能夠分別記錄相片及影片。

同場加映：20mm F1.8G ED新鏡配SB-500閃光燈

除了新機之外，同場亦推出兩款可對應D750的新產品，包括適用於FX格式的AF-S NIKKOR 20mm F1.8G ED鏡頭，能帶來94度廣角視野，還備有F1.8超大光圈，手持夜攝都冇問題。另有全新SB-500閃光燈，支援GN 24閃光輸出，前方更設有適用於拍片的LED燈，提供100流明度，影相拍片都用得着。

機頂設有GN 12內置閃光燈，影人像或微距補光都幫到手。	具有2,430萬像素全片幅感光元件，更配備EXPEED 4影像處理器。	植入Wi-Fi功能，透過《Wireless Mobile Utility》App能遙控拍攝及過相。

Spec.

感光元件：2,430萬像素CMOS

採用EN-EL15電池，D610和D810都係用佢，約可拍攝1,230張相片。	拍片方面支援每秒60格全高清格式，流暢之餘畫質細膩。	51點對焦系統幾乎覆蓋整個畫面，於-3EV的黑暗環境都能準確對焦。
AF-S NIKKOR 20mm F1.8G ED鏡頭適用於全片幅FX格式單反。售價：$6,980	SB-500閃光燈走中階路線，前方加設LED燈為拍片補光。 售價：$1,980

轉換系數：1倍

屏幕：3.2吋122.9萬像素

快門：1/4,000~30秒

感光度：ISO 50~51,200

體積：140.5×113×78mm

重量：750g

撰文：黎子豪

攝影：張群生

查詢電話：2907 1122