去年PS Vita遊戲《討鬼傳》，將《鬼武者》設定結合「芒亨」玩法，以怒劈妖怪來超度敵人，獲得不少人氣。事隔一年其續作《討鬼傳‧極》終於出爐，除咗追加新角色及武器外，連可收歸麾下的英靈魂魄「御魂」都有新種類，粉絲冇理由唔撐場吧！
遊戲追加3種武器配備，包括能夠使出連續技的「薙刀」、攻速慢但可作蓄力攻擊的「金碎棒」、能看透妖怪弱點狙擊的「銃」等，戰鬥技巧更豐富，玩家唔使獨沽一味齋劈咁悶。另針對妖怪的部位攻擊，今集在絕招「鬼千切」之上追加「鬼千切‧極」，當跟朋友連線打怪時，只要同時使出絕招便可發動，能夠一招斬到敵人身體各部位。
新作所收錄嘅妖怪種類大幅增加2倍以上，例如「忌速火」屬大佬級，集強悍攻擊力及靈活身手於一身，絕對唔好惹。而與「芒亨」的寵物系統相似，玩家能將英靈魂魄「御魂」收歸麾下，還有新的使用形態，包括屬「獻」類型的稗田有禮，可支援我方提升攻防數值，而屬於「壞」的前田利家，則專責破壞妖怪部位，令戰鬥更有效率。
類型：狩獵動作
發行：Tecmo Koei Games
平台：PS Vita
人數：1人（支援4人連線）
售價：5,800日圓
撰文：廖俊斌
查詢電話：2782 0978