Game欲善其事 必先利其器

H Wireless對應Dolby技術

近年遊戲耳機愈玩愈Pro，如SteelSeries H Wireless Headset支援3種Dolby技術，包括Dolby Digital提供多聲道電影體驗、Dolby Pro Logic IIx能優化全方位音效、Dolby Headphone更支援7.1環繞聲效果，子彈從邊一個方向飛嚟都聽得清楚。而設計上亦能配合長時間打機需要，備有記憶墊頭帶及柔軟耳罩，令佩戴時倍感舒適；收音咪則支援伸縮式設計，方便與隊友保持通話。廠方更為無線耳機加入ChatMix及LiveMix特別功能，前者容許玩家個別設定語音同遊戲聲的平衡度；後者提供自動調校音量功能，當語音通話時會自動降低遊戲音量。

Sades Skynet 模擬7.1聲道

預算唔多的玩家，可考慮Sades遊戲耳機Skynet，它內置USB Sound Card解碼功能，一插入電腦即可使用，能模擬出7.1環繞聲效果，遊戲中的爆破聲、子彈聲及腳步聲從哪個方向來都聽得一清二楚。而耳機符合人體工學設計，兩點式頭帶軟墊能平均分散耳機壓力及減少震動，配合可調校角度的收音咪，打機通話更清晰。

想備戰《Battlefield》系列等大作，記得留意今次介紹嘅打機利器。（設計對白）	附送多一枚耳機電池，可直接放進發射器充電，設計貼心。	SteelSeries H Wireless Headset需配合發射器使用。 售價：$2,488（a）

電競滑鼠

Sensei Wireless無線反應靈敏

唔少專業Gamer對無線滑鼠頗有戒心，驚無線傳送唔夠穩定，遊戲配件名牌SteelSeries推出的Sensei Wireless Gaming Mouse，配備市面最高頻率感應器，確保延時可於1/1,000秒之內，反應超快！滑鼠還內置Pixart ADNS9800雷射感應器，將DPI提升至8,200。想玩得個人化一啲，仲可透過專用軟件設定機身亮燈部分及底燈顏色，有過千款顏色組合任你揀。

耳機佩戴相當舒適，並可調整收音咪的長度及方向。	跟機附上充電座，可將滑鼠放於其上。售價：$1,299（a）	採用雷射感應器，準確度非常高。

G402 Hyperion Fury全球最快

玩FPS射擊遊戲最緊要係乜？就係要夠快！Logitech花了3年時間開發這款號稱全球Tracking Speed最快的遊戲滑鼠G402 Hyperion Fury，透過獨家Fusion Engine技術及32-bit ARM處理器，可將跟蹤速度推至500IPS（Inches Per Second），以極短時間便能移動Cursor瞄準敵人！滑鼠仲提供4種DPI設定，可由240DPI逐級調至4,000DPI，適合唔同環境需要。

Asimom X1外形跟功能都相當破格。 售價：$399（d）

功能鍵設於機身側面，可調節LED燈亮度等。

騎呢配件

Asimom X1喇叭4D體驗

DOSS Asimom X1喇叭打正旗號「為手機遊戲而設計」，除了「X」外形別樹一幟外，更厲害係畀到用家4D體驗，玩到興起時喇叭曉震外，仲識同人吹吹風，皆因機身中央裝有一把小風扇，只要選取遊戲/電影模式，便可因應音頻震動兼吹風，如打機時身邊有跑車經過便會開着風扇，爆炸時則會震，機面LED燈還會跟聲變色，最正係充滿電後可連續使用20小時。

Hori 11.6吋PS4專用芒

想買個靚芒打PS4？可以諗吓日本Hori新推出的PS4顯示屏。產品設計特別之處係可整個橫放於PS4主機上，只需以HDMI線連接即可。雖然畫面尺寸只得11.6吋，但竟然支援全高清顯示！之前SCEH喺動漫電玩節曾經帶過小量貨源到港，小記試玩時覺得顯示效果都幾唔錯，PS4機迷記得留意幾時有得賣啦！

專家意見

資深機迷及謎米香港《遊戲人間》主持Kali表示：「我揀遊戲耳機有3個條件，第一係能對應多個平台，在PC用到之外，可以用埋喺PS同Xbox平台就Perfect啦。之後係環繞聲效果，5.1聲道可以接受，最好當然去到7.1聲道，能聽清楚四方八面環境聲。最後係耳機位備有獨立調校通話同背景音量嘅設定掣，可以快脆調校得到。至於滑鼠方面，我玩FPS遊戲多數用手掣，依家試緊《The Sims 4》Beta先會使用Gaming Mouse，最緊要係啱手形同用得舒服。」

撰文：布偉倫　

攝影：林資凱、胡振文

模特兒：Melody Kan（Zmodel）

查詢：（a）3677 6491、（d）2386 0928