Super Mario任砌打機情景
Bandai嘅SHF系列玩具向來多元化，好似近期熱爆嘅Super Mario，單買隻公仔只係百多元，仲可另購兩款情景套裝，砌出經典打機場景，如頂金幣、踩蘑菇、擲龜殼、入水管等，超級過癮！
另購磚頭水管
新作造型神似，尤其是Mario大鼻兼翹起鬍子模樣，跟足遊戲原著設定，豐富的雙手關節及4節可動下肢，令玩具擺出招牌跳躍甫士時，特別逼真。惟玩具擰頭時欠缺角度，若然頸部改為拉出式關節就Perfect啦！至於玩具本身只跟一個問號磚、一枚金幣及一隻道具紅菇，各位想增加玩味便要另外購買兩款情景套裝Diorama Play Set。其中Set A會追加3個磚頭連懸空用透明支架、專用台座、一枚金幣及敵人蘑菇；而Set B則有兩種深度的水管道具、一隻龜殼及敵人蘑菇，買齊晒即可模擬多個打機情節。相信不久將來連Lugi、公主等人氣角色也會於系列亮相，粉絲係時候儲定錢了。
撰文：廖俊斌
攝影：陳富權
查詢電話：2433 1828