42吋K680HK萬元有找　榨盡4K畫質

4K影像細膩

雖然4K藍光規格遲遲未公布，但不少電視迷已心郁郁換番部4K TV，皆因其定價由初出時近廿萬元，降至四、五萬元水平，而國產品牌更將價格進一步推低，55吋型號賣$19,990，比同級日韓品牌平了近一半，42吋型號售價更只需$9,990。雖然經濟抵玩，但用料絕不馬虎，小記透過USB手指以點對點格式播放4K視訊，色彩層次細緻盡現；加上新一代影像處理晶片，令數據運算速度提升，就算處理資訊量極高的4K視訊或高速動態畫面，同樣流暢自然。

用家還可將輸入的視訊升頻至4K質素，播放一般藍光碟都能獲得4K細膩感。另引進圖像模式選項，備有標準、運動場、遊戲廳、電影院、音樂會、演播室及自定義模式，讓各位因應不同場景而調校畫質，例如打機時以遊戲廳模式，就算身處槍林彈雨的FPS遊戲都能保持流暢感。

支援無線傳屏功能，可將手機內的影片及相片，無線傳至電視上播放。	用家可透過圖像模式調節畫質。	可於菜單調校亮度等，特別在播放DVD時，可選擇3D降噪趕絕「飛蚊」畫面。

上網睇片靈活

煲碟睇到悶悶哋，總會想上網瀏覽網頁及玩facebook，K680HK系列植入Android 4.2系統，用家只需透過LAN或Wi-Fi上網，即可下載各款應用程式，睇YouTube、玩Apps固然冇問題，小記試上「on.cc東網」睇新聞，繁體中文顯示清晰冇亂碼；配合機內六核心處理器，令操作介面更順暢，串流睇片不會無故窒格。另支援無線傳屏功能，用家只需於手機、平板下載Android或iOS應用程式《海信智能雲分享》，即可透過Wi-Fi將機內的影片、相片及音樂，無線傳送至電視上播放，亦能將電視影像傳回智能裝置欣賞，靈活性極強。

附送兩副主動式3D眼鏡，配合最新3D顯示技術，有效減少殘影問題。	遙控器充滿金屬感，下方備有數字按鍵。	機底設有LAN、USB及HDMI等插口，用家可透過USB手指播放多媒體檔案。

畫質測試

透過USB手指輸入廠方提供的4K視訊，以點對點格式播片，可見清晰度比平時睇Blu-ray高得多，花朵細節表現極具層次，沒有半點模糊化，花上蜜蜂的微細移動都能準確捕捉，不會窒吓窒吓。

同場推介：MCS-838 5.1環繞聲組合

以K680HK系列4K TV煲碟睇戲，欣賞超高清畫質之餘，同時想感受環繞聲的話，Pioneer新推出的藍光5.1組合MCS-838是不錯選擇。它引進低頻強化功能，有效提升低音震撼感，加上環繞聲喇叭採用座地式設計，比起衞星喇叭更能提升包圍感，同時兼播BD 3D、BD、DVD、CD、SACD光碟，全面支援影音播放功能，靈活性一流。

規格表

畫面尺寸：42吋、50吋、55吋

解像度：3,840×2,160

對比度：1,500,000:1

亮度：550流明

介面：Android 4.2

撰文：周仲明

攝影：盧展程

模特兒：Memi（Reborn Production）

查詢電話：（a）2781 1789、（b）2848 6488