寶馬MINI醒神Spa最啱大忙人

有邊個車主唔想自己部車企理四正，時刻保持最佳狀態，但往往礙於工作繁忙而忽略打理，尤其是年近歲晚，既要忙着辦年貨，又要忙於大掃除，確實分身不暇。有見及此，寶馬汽車（香港）就為各位寶馬及MINI車主分別推出Exclusive Spa by BMW及Complete Spa by MINI專業汽車美容護理計劃8折優惠，悉心幫手為座駕扮靚靚迎接馬年的來臨。

全車內外仔細清潔

仲有唔夠一個月就到農曆新年，唔單止人要精神爽利，愛車都一樣要神采飛揚，新一年自然路路亨通。今次介紹的Exclusive Spa by BMW及Complete Spa by MINI專業汽車美容護理服務，由車身各處包括胎軨，以至車廂護理都由汽車美容護理人員仔細辦妥，完全毋須費心。服務包括專業技師手工打蠟、車廂吸塵、內櫳皮革打蠟、清潔車胎輪圈、清潔引擎及引擎室等。

8折套餐一年兩次護理

對於大忙人，有咩好過有專人幫座駕一年兩次做吓Spa兼扮吓靚。家陣一次過購買一年兩次的Spa by BMW或Spa by MINI專業汽車美容護理服務套餐，可以享有8折優惠，BMW 3系及5系每次的優惠價分別為$2,010（原價$2,520）及$2,240（原價$2,800）；至於MINI則為$1,840（原價$2,280）。副偈乾淨，車身又清潔，望落都特別醒神過人。各位大忙人車主，唔想排隊尾，就要趁早打電話去預約喇！