Sports Earphones耳分高下

Adventure Series Alpha優化中頻

Westone向來走專業路線，普通一款耳機都隨時幾千元，反觀運動型Adventure Series Alpha較為經濟，$1,599有交易，卻引進高階PST音色強化技術，凸顯中頻厚實感。而耳機以鎂金屬作主要材料，加上鋁製面板堅硬耐用，跑步時無懼汗水或雨水侵入，連機哥老友、DMA泛音耳機專家Eddy都話：「Westone向來分析力強，Alpha算係易推款式，唔使耳擴都能將單元音色發揮八九成。」

iSport Victory隔離噪音

提起Monster，一般人會想起潮款耳筒，但落街跑步冇理由戴住又重又焗嘅耳筒吧？針對運動用家設計嘅入耳式iSport Victory就冇呢個問題，Eddy話：「不少人聽慣咗Monster Beats耳筒嘅音色，揀運動耳機都會買番同廠iSport Victory，襯番一Set咁話。」它引進噪音隔離技術，令音色更清晰自然，加上由Beats by Dr. Dre的首腦兼工程師Noel Lee調音，確保擁有寬闊的高低音頻覆蓋。

附有5對膠質耳塞及4對記憶綿耳塞，還有耳線夾及便攜盒。	遙控器修長外形，備有3個按鍵，分別控制音量及接聽來電。	售價：$1,780（b）

阻抗知多啲

若有留意耳機規格，很多時會見到阻抗一詞。簡單來說，阻抗是交流電中，阻礙電流作用的「電阻」加「電抗」總和，數值以ohm為單位。阻抗愈低，電壓愈低，電流自然愈大，即是耳機阻抗低的話，便較易驅動單元，一般適合手機所用的耳機阻抗約為16~32ohm。如Alpha耳機阻抗值只有21ohm，算是相當易推。

附設2對不同尺寸的耳掛、3對膠質耳塞，以及耳線夾和便攜袋。	遙控器設計簡約的骰，兼容大部分手機及隨身聽，可作音量調控。	戴住Alpha跑步測試雖然合格，但側埋一邊跳時，耳塞卻稍稍鬆出來。

第1回合：跑跳碰鬥穩陣

戴耳機做運動，最怕跑兩跑就跌出嚟，所以機Gor除咗親身試戴之外，仲搵Model做跑跳碰測試。Alpha要將耳線繞到耳背，加上記憶海綿耳塞，令佩戴耳機慢跑時相當穩定，但當跳起測試時，耳機卻稍稍鬆脫出來。iSport Victory則加入耳掛設計，能有效固定於耳朵，配合膠質耳塞，跑步固然冇問題，就算成個人跳起，甚至向側彎腰做伸展運動，耳機都貼貼服服，論穩陣程度明顯佔優。

iSport Victory有效地固定至耳朵，就算成個人跳起都同樣穩陣。	DRAW 向住Alpha狂噴水都冇問題，就算跑步時遇着落大雨都能照聽歌。	華仁影音耳機專家阿仁。

第2回合：防水防汗測試

為測試兩款耳機嘅防水性能，機Gor戴住佢哋各跑咗30分鐘，任由汗水滴入耳機，之後除低鬆一鬆喺水機飲水，仲唔小心畀水噴到正，濕水程度同落大雨跑步差不多，之後將耳機插落iPhone試播完全操作正常。雖然Alpha講到明支援IPX3防水，而iSport Victory沒公布防水級別，但兩機防水功能同樣出色，完全沒有半點入水迹象，抵讚！

DRAW 以Alpha試播林憶蓮專輯《蓋亞》，人聲演繹細膩圓潤，數碼音樂檔案常見的冰冷感覺一掃而空。	DRAW 以iSport Victory播放玉置浩二專輯《07 Live惑星》，就算音樂節奏強勁都唔會窒吓窒吓，反應一流。	Eddy

第3回合：播歌靚聲比併

平時戴耳機，可選擇外接耳擴提升輸出功率，但戴運動耳機跑步，駁耳擴似乎太大陣仗，所以今次音色測試純粹駁iPhone播歌為主。華仁影音耳機專家阿仁詳細試聽後，認為兩款耳機的音色取向各自不同。「Alpha內置6.5mm高階單元，中高音分析力極強，演繹人聲歌曲就最啱。而iSport Victory貫徹Monster的強項，低頻既厚實又靈敏，演繹節奏強勁的音樂更為流暢。」

達人教路

DMA泛音耳機專家Eddy：「揀低阻抗耳機為佳！」

「年輕人揀運動耳機時，多注重外形設計，其實佩戴穩定性同樣重要，要郁動時戴得穩陣才算合格，所以一定要到音響店親身試戴；而且運動時不適合外接耳擴聽歌，所以要留意耳機的阻抗，盡量揀選較易推的款式。」

機Gor Report

iSport Victory 跟住節奏衝線

iSport Victory佩戴時能緊貼耳朵，論穩定性確實較Alpha優勝，而後者備有多款不同尺寸耳塞，配套齊全。不過揀耳機始終音色先係重點，機Gor較鍾意Monster那份低音厚實感，演繹搖滾Rock歌一流，尤其是10km尾段跑到冇晒力時，聽節奏強勁的音樂，跟住Beat咁跑就冇咁辛苦啦！

Profile

機Gor

機不離身，不信Spec只信測試，不扮高深，懶理低俗，貪新不忘舊。

撰文：機Gor

模特兒：Elke（HKModelhouse）

查詢電話：（a）2955 1000、（b）2998 3974