東京直擊！ 34台PS4刺客嘉年華

次世代主機試玩

雖然《Assassin's Creed》系列差不多年年都有新作，但每集的故事背景皆引人入勝，加上主角造型突出，係日本市場少有受歡迎嘅外國遊戲，從今年UBIDAY有34台《Assassin's Creed IV: Black Flag》PS4試玩機便可見一斑。新作設定勁有「魔盜王」Feel，以第3集主角嘅阿爺Edward Kenway，於18世紀在加勒比海與聖殿騎士對抗作背景，操作系統亦加入新元素，如主角識得潛水，並導入包括火槍在內嘅18世紀武器，玩法更豐富。

樹頂潛行暗殺敵人

既然用上PS4新主機，小記當然唔執輸玩咗幾次，不過試玩版難度唔低，需要玩家由叢林打到海盜船，但藉着PS4硬件加持下，畫面變得更靚，好似藍天白雲及水花效果都做得極之出色，當主角上水後全身仲會滴水。至於敵人通常會三五成群出現，埋身肉搏基本上輸硬，最好方法係匿入草堆潛行暗殺；而主角同上集一樣識得喺樹幹行走，來一招空中躍下刺殺就最實際。在舞台上，女優歌手麻生夏子使出暴走招式更惹來全場掌聲。日本方面，11月會出PS3版及Xbox版，而PS4版要夾埋主機於下年2月登場。

現場設有34部PS4實機，供參觀者試玩《Assassin's Creed IV: Black Flag》。

舞台環節請來女優歌手麻生夏子跟一眾聲優出席，吸引過百人圍觀。

同場加映：新作夠睇頭

現場另一焦點《Watch Dogs》亦有PS4實機Demo，鬧市追逐戰夠刺激，Hack入手機網絡亦甚破格，希望廠方快點提供試玩版。至於同場有得試玩嘅遊戲還有Wii U版《Rayman: Legends》，以及即將在次世代平台推出的賽車遊戲《The Crew》等。不過後者因製作問題要延至明年第2季推出，現場5部試玩機都只用上PC版。

不少Cosers以一身刺客造型到場，氣氛熱鬧。	Ubisoft Asia Managing Director Steve Miller表示，去年UBIDAY反應良好，今年決定加碼再搞。	日本限定版會跟刺客Figure，揸雙槍勁有型。

特派記者：布偉倫

試玩版最初要攀石搵路上叢林，途中繩梯突然折斷，驚險萬分。	賽車狂熱 《The Crew》雖然用上PC版，但仍吸引到眾多玩家排隊試玩。	網絡冒險 《Watch Dogs》提供Demo片段，由於玩法破格，唔少機迷駐足睇片。

鳴謝：Ubisoft