波神收藏家 球星至Like

NBA球星變朋友

隨着每年Nike邀請NBA球星來港宣傳，Horace慢慢成為他們來港的指定導遊︰「因工作關係，我曾經做過球星Carmelo Anthony嘅導遊。黑人文化好重視Brotherhood，加上我了解佢哋嘅飲食習慣同購物喜好，所以Chris Paul及Kevin Durant等來港時都係由我接待。」Horace補充，早於5年前已跟Kevin Durant說他會成為超級球星，時至今日果然兌現！

逃學為睇比賽

那些年籃球是很熱血的，手執一本《Slam Dunk》，腳踏一對Air Jordan，再眼望MJ於球場神技，至今仍叫人熱血沸騰。Horace也是飲MJ奶水大：「我記得第一次接觸他是1991年NBA總決賽，芝加哥公牛對洛杉磯湖人，亦是MJ第一次攞總冠軍年代，嗰時我仲未識佢，淨係知呢個黑人好勁，腳上對波鞋好靚。自此我便開始留意佢，後來逃學都要睇佢嘅直播比賽，出來做嘢後更立志要儲齊晒佢所有嘢！」

紀念版棒球 1994年MJ去了打棒球，Jordan Brand特別以籃球皮製作了這個紀念版棒球。 罕有度︰★★★★

AJ X 1995年 AJ X棒球鞋樣辦，鞋底有釘方便MJ在泥地上奔跑。但後來MJ回歸NBA，令這對鞋從未量產過。 罕有度︰★★★

逾300對AJ波鞋

跟現時又要排隊又要抽籤不同，以前限量版的炒賣價值不高，變相令尋寶容易得多。「舊時eBay幾十蚊美金便可搵到落場版波鞋，就算買唔到，都可以叫外國收藏家割愛，唔似得依家咁辛苦。」由AJ I開始儲，儲吓儲吓現在已有齊28代，碰上出差機會，更會花時間喺外國入貨，高峰期試過每個月買5、6對波鞋。目前他的波鞋藏量已逾300對，即使以一千蚊一對計算，投資額也逾30萬元，當中還未計月花千元的存倉費，所費不輕。

AJ XVII 2002年 為MJ度身訂造的落場版，雖然他本人冇着過，但跟足佢腳掌用13.5號碼。Horace從外國收藏家處購買，極其珍貴。 罕有度︰★★★	AJ I Futuresole 2010年 跟Nike合辦波鞋設計比賽後，廠方特別送上AJ I作禮物。鞋身繡有HK-Kicks.com網站標誌，獨一無二。 罕有度︰★★★★★	放大圖片

至愛AJ VI

歷經多代發展，Air Jordan外觀經常被彈新不如舊，收藏家又點睇？他表示：「Jordan Brand已經係一個Icon，就算佢出成點，粉絲都會照買。而且近年佢哋着重性能多於一切，好似最新AJ XXVIII，好多人笑佢似水靴，但仔細研究一下，便會發現有好多新技術喺入面。」被問到歷年最愛，Horace不假思索指是AJ VI，「我第一次睇MJ，佢就係着呢對鞋。當然其他我都鍾意，好似公認最靚嘅AJ XI，以及最傳奇嘅AJ I等。」

以前興球星專輯，因此Horace儲落不少MJ錄影帶及DVD。

曾舉辦AJ波鞋展，今年2月便跟Enterbay合作，慶祝波神50大壽。

成立波鞋網

愛波鞋，愛到要與別人分享，遂於2003年與朋友成立波鞋網站，定期以用家身份介紹新款籃球鞋，更曾舉辦Air Jordan波鞋展覽，將籃球鞋文化推廣開去。這一切舉動，吸引到Nike注意，並開展了長期合作計劃，例如邀請他設計網站、合辦籃球訓練營、推廣新款籃球鞋等，Horace亦因利成便可親身與MJ見面，實現多年夢想。「2004年佢去北京宣傳，我特登早兩日飛過去，見到真人時我直頭心跳加速、手心冒汗，呢種感覺任何球星都畀唔到我。」

外國波鞋網搵筍貨

想買到限量版波鞋，除了排隊抽籤外，Horace教路可到外國的波鞋網如Crooked Tongues等購買。至於收藏方法，他建議放在乾燥地方，或放喺密實袋內，最好加入防潮珠，以防波鞋內的膠件因氧化而爆裂。

網址︰www.crookedtongues.com

撰文︰陳志滔　

部分攝影︰郭凱敏