1,630萬像素SH-02E 影燈飾博Like！

仲有幾天就到聖誕，打開《Instagram》一睇，全球竟然有超過800萬幅「#christmas」相，可惜好多Snapshot作品就算落晒濾鏡特效，依然難掩鬆郁朦影像！講到Snapshot，日系手機先至耍家，好似Sharp年尾旗艦作SH-02E，內置1,630萬超高像素鏡頭外，仲加入光學防震功能，配合夜景、HDR等攝影模式，搞番個聖誕相展自然人人Like。

售價：$6,480<BR>新機採用1.5GHz四核心處理器及2GB RAM，屬機王規格。

售價：$6,480
新機採用1.5GHz四核心處理器及2GB RAM，屬機王規格。

光學防震功能

維港兩岸處處醉人燈飾，可惜夜景之下手持拍攝，好易影到矇查查！SH-02E搭載1,630萬像素鏡頭，可拍攝4,608×3,456高解像度相片，最重要是支援光學防震功能，影燈飾都冇咁易手震。而且新機內置不少拍攝模式如自動場景、HDR、魚眼、移軸等，定能滿足唔鍾意左校右校嘅用家。為測試其攝力，小記特別於夜晚在尖東Snapshot燈飾，發現手持拍攝都冇手震，而且雜訊控制都唔錯！

IGZO新芒慳電

新機出自Sharp手筆，惟並非採用出名嘅AQUOS或CG Silicon屏幕，取而代之是研發多年嘅新技術IGZO。雖然它同屬TFT類別，但廠商指4.9吋新芒無論慳電和反應都比舊技術出色。以耗電量為例，IGZO一般情況下睇相可長達24小時，長氣程度足足是舊技術的4.8倍時間。小記試用後發現屏幕只佔耗電量約10%，比其他Android手機動輒20%~30%耗電量低得多，加上電池容量高達2,320mAh，難怪一整天上網、睇面書和影相都夠撐。

底部採用棱角設計，配合白色機身都幾靚仔。

3大靚芒比併<BR>將SH-02E、GALAXY S III及iPhone 5（左至右）亮度調至最高，可見飽和度、對比度都好接近，質素平分秋色。

3大靚芒比併
將SH-02E、GALAXY S III及iPhone 5（左至右）亮度調至最高，可見飽和度、對比度都好接近，質素平分秋色。

毋須打開microUSB插口，底座即可為手機充電，仲可橫置睇片！

搖機身快速記事

攝影和靚芒屬日系手機強項，但千祈唔好忽視日本廠商嘅創意，好似SH-02E的3.5mm耳機塞，拔出來竟然是一支迷你觸控筆，配合Quick Tool Box TX功能，隨時搖兩下機身便可進入《KAKU Notepad》，方便在屏幕畫畫和寫字，甚至可以幫相片褪地Share畀朋友。此外，新機另設《KAKU Notebook》記事工具，能加入錄音、圖片等，而且分晒日期排列，整番本聖誕日記都冇問題。另支援Speech Launcher語音功能，用手指敲兩下機背便能以語音操控，例如開啟電話簿、瀏覽器等，唯一缺點係佢只識聽日語呢！