雲端下載歌 屋企唱當爆咪
那些年派對聯誼，每個人都有自己嘅飲歌，K歌之王更令人心花怒放。今時今日與其次次落K房，倒不如申請3家居寬頻最新推出的「3家啦OK」服務，一個月費、一個Android K Box，再加多支咪便可在家裏狂唱過千首K歌；仲可以拍埋短片放上網，新一代情歌王分分鐘係你！
接駁簡單 無線點曲
大家可能會問，屋企唱K唔係一早有咩？實情是以往家居卡拉OK系統，又要駁Amp又要駁電視，唱歌之前仲要買碟換來換去，老套又麻煩。相比起來，「3家啦OK」就簡單得多，申請服務後會有一個由Ölevia製造的Android K Box，它內置三核心1.2GHz處理器、1GB記憶體及8GB內存，規格拍得住電腦。使用時只要用HDMI線接駁電視，選曲畫面便會立刻出現，之後再利用附送的無線遙控器點歌，插番支咪就可大唱特唱！
過千MV 不斷更新
歌曲暫時由英皇娛樂提供，備有過千首MV儲存於雲端網絡，而且全屬正版，《霧裡看花》、《告別我的戀人們》等容祖兒、古巨基的大熱K歌當然搵得到，其他歌手還包括Twins、泳兒、羅力威等。一個Android K Box大約可儲存100首歌，用戶可隨意下載及增減，歌庫內容還會不斷更新，小記試唱當日就見到新加入了飛圖音樂，可以唱番卿姐同梁雁翎嘅首本名曲！
自拍上網 奉送K券
屋企唱K固然正，但一個人唱歌未免孤單得滯。呢方面「3家啦OK」都照顧到，用家只需要有一個Webcam，接駁Android K Box便可把唱K時的畫面和聲音錄下來，隨時分享至facebook、twitter等社交網絡，等朋友畀Like。網絡商指出，日後仲會有歌唱比賽，有興趣嘅話就快啲練歌啦！
收費方面，即日起只需以優惠價$1,500，便可選購原價$2,399的Android K Box，之後每月畀$20便可使用服務；而優惠期內申請，更可獲得3張$100 卡拉OK現金券，由屋內唱到屋外。
撰文︰陳志滔
攝影︰林資凱
查詢電話︰3166 2222