Halloween 型如鬼「魅」
萬聖節彷彿已成為「默認」的節日，儘管日曆上沒有變成紅字，但絕對無損打工族的玩樂心情，每年街上都看到吸血鬼、女巫等一群夜行動物紛紛出動，娛人又娛己。不過，女孩子們點都要顧及Face，扮鬼扮馬之餘都要化個靚妝，靚到鬼火咁有魅力，問你怕未！
紅魔女出巡
魔女裝扮早已成為萬聖節的例牌，想Outstanding就要在眼妝上落啲心機，不妨參考天橋上的繽紛眼妝，事關誇張眼線乃今年大熱，想要玩得型又不至於太激動，可先嘗試加粗眼線，再在眼窩位置加多一條眼線，瞬間電力Double Up。
另一午夜法寶當然不少得閃亮的蜜粉，除了在輪廓突出的位置上使用外，還可以在肩膀、手臂及小腿掃上，化身耀眼魔女。
南瓜系女孩
嫌魔女太Common兼不想過於惹火，但又想搞搞新意思？以往只是陪襯品的南瓜終於登堂入室，不用再淪為糖果籃。用上鮮橙色的眼影和胭脂就能輕易打造一個南瓜女孩的造型。但謹記橙色眼影容易使人誤會眼腫，最好在眼尾三角位置畫上眼線，拉長眼形。
今年大熱的紋身貼紙亦可大派用場，若怕難清潔的話，可以選擇貼上小型貼紙或畫上骷髏圖案，甚至一個小小的心心已能為造型大加分。
撰文：葉伊霖
攝影：方偉堅
模特兒：Alisa Y.@Starz People
化妝：Dianna Chung
查詢電話：（a）2196 8271、（b）2367 5532、（c）2151 9022、（d）3427 9809、（e）2117 9821、（f）2635 5951、（g）3188 1190