買車前內心往往充滿掙扎，一個決定恍如有千斤重。畢竟，考慮的因素多着呢。更多時，你只欠好友的一句：「呢部好，買啦」就可毅然下決心。《AUTO-LIFE》的出版也許正好擔當這角色，替大家網羅不同類型的車款，優點在哪，用途如何……一書在手，無論想搵Dream Car、家庭車或者玩樂型號，均可參考。希望趁年尾搵筍貨，又或者做定功課，準備明年初入貨，都非常啱睇。
儘管大多數人較喜歡在年頭買新車，但其實年尾出車會有好多着數，單是車價折扣優惠已經夠吸引，正所謂：「早買早享受」，懶理年尾定年頭，更何況部分代理會提供免費增值配備。就好似封面介紹的Fiat 500 BLACKJACK，既是限量版，又是新型號，而且在車展出車送原廠+/-Paddle Shift，真係Cool爆。Fiat近年的市場策略不得不讚，打破大多汽車生產商不斷構思新型號讓買家選擇的傳統，返璞歸真以單一型號不斷變身，每次都能令人眼前一亮，今次BLACKJACK的啞黑車身又係Like爆之作。
另外，與汽車息息相關的油價，都是「上車」與否的考慮之一。油價持續高企，幸好各大車廠紛紛研製慳油或環保車系來對抗，包括BMW的EfficientDynamic技術；另小車市場更相當熾熱，《AUTO-LIFE》亦因應這趨勢，搜羅多款熱賣小車，如Nissan NOTE就是近期矚目新作。而鍾情跑車，Volkswagen Scirocco也是好選擇。
面對不知何時了的高油價，都是嗰句：「早買早享受！」
朱志華