豪筆起:與細佬寫專欄 (情與義 3之2)

「細佬」一詞很有趣,媽媽叫喚獨生子用「細佬」;涼茶檔阿姐對男顧客劈頭第一句「細佬,要啲乜嘢飲?」連我也在電話都跟學生說:「細佬,啲稿寄去邊份報紙呢?」

好,某報章一口答應,這回一擊即中,因為是沒稿費的。「細佬,冇稿費喎?」「Ben Gor,唔緊要,我哋為推廣寫作,冇相干啦。」學生竟懂得使用「冇相干」這個舊式粵語短句,因為他是高考3A狀元,以一級榮譽成績考進哲學碩士,學期中已寫好碩士論文一邊等畢業,一邊就跟我寫專欄。

我們二人以對談形式,就同一個取自日常生活的題目,在不知道對方寫甚麼的情況下,各寫一段。譬如題目是「博士」,我就寫某天打開某大學章程一看,原來,讀完Juris Doctor課程是不可以用Doctor這學術銜頭的!當我幻想要拿第二個博士時,這份章程就摑了我一巴掌。另一邊廂,細佬就寫他兩年的研究院生活,感到自己與博士銜頭愈來愈接近,快要變成外星人了。

未幾,有細佬二號加入,其學術派頭與細佬一號一模一樣,再加上我,三人合寫一專欄。細佬二號腳頭好,所以這次是會發稿費的。專欄主力拆解考評局的四字評語,並示範對錯例子,讓同學作一對比,便於學習。

我們合寫專欄已有一年多了,有專欄寫固然開心;師生一拍即合,更是難得。但,又豈止於此……

(本欄逢周五、六、日見報)

大學教書人

歐陽偉豪