推介！除夕Count Down熱點

101樓高空睇煙花

平時要仰起頭才看到幸福爆炸的煙花，今年我決定搞搞新意思，以另一個角度觀賞！就係到「田舍家」食除夕晚餐！除夕倒數晚餐每位盛惠$3,000，很貴！不過物有所值！要知道餐廳位處全港最高的環球貿易廣場的101樓，位置已高人一等，最正是大部分座位都可看到窗外景色，唔使爭位唔使逼；只要除夕當晚天氣好，透過落地玻璃窗就能遠眺中環的IFC。未夠鐘，先欣賞被譽為「世界3大夜景」的維港景色，倒數一刻整幢IFC都爆出煙火效果，水平視線感覺更全面，好震撼！

季節滋味

視野一流，食物如何？除夕套餐有9道菜式，名店果然不負所望，貫徹不時不食精神，食盡時令矜貴食材，印象最難忘是鐵板燒，以油分特多的赤鯥魚捲着甘香的北海道海膽煎香，入口先是魚的鮮甜，其後是海膽甘香；天婦羅也是重點，薄薄脆漿裹着的，是12月限定的雞泡魚白子，質感軟滑Creamy，味道豐腴；矜貴的伊勢海老，龍蝦膏做醬，蝦肉以木魚湯煮，清鮮濃惹兼備；每口都是季節滋味。

壽司三款 有吞拿魚腩、海膽和赤貝，吞拿魚腩油脂滿滿，海膽有海水味，赤貝鮮爽甜香；米飯也握得鬆化，水準之作。	沙甸魚苗、烏魚子鍋飯 以沙甸魚及海草作鍋飯，精選煙韌的山形米，飯粒分明兼有咬口；最後加入日本烏魚子，鮮味更加突出。	佐酒小吃三款拼盤 希靈魚子、三文魚子及蘿蔔，酸咪咪中帶鮮味；黑豆以麥芽糖煮過，Sweet到爆；還有好味鴨胸、蝦、慈菇及日本魚蛋，3款前菜賣相精緻，為除夕晚上揭開序幕。

意頭賀年菜

除了矜貴的刺身壽司天婦羅鐵板燒，適逢1月1日是日本新年，餐單裏亦有少許賀年菜。大廚楊志濱師傅話日本人多以紅、白色食物和黑豆、醋物製作新年菜，餐廳的前菜就以日本麥芽糖煮黑豆，每粒豆都擁有一層閃亮外衣，再加上點點金箔，矜貴又有甜頭；而新年當然少不了年糕，日本年糕、雞肉、菠菜及紅白蘿蔔以木魚水煮，顏色繽紛，好睇好吃又寓意「吉祥」，別具祝福之意。

煮年糕清湯 日本年糕以糯米製成，米香特別濃郁，質地煙韌，應節必食。	刺身三款 有吞拿魚、甜蝦和左口魚，款款新鮮富彈性；當中吞拿魚特選魚背位置，魚味特濃又富嚼勁，好吃。	日式具足煮龍蝦 日本龍蝦以木魚水煮，不蓋龍蝦鮮味，加上以龍蝦膏製成的醬汁，一濃一淡，雙重滋味。

吃完晚餐，別忘了有香檳、紅酒及白酒任飲，在2011年的最後一秒與最愛碰杯，愉快地迎接2012年，Cheers！

赤鯥魚海膽燒 近年日本人好喜歡吃赤鯥魚，貪其肉滑油分多，但味道較淡；所以師傅將之做薄切，加入濃味的海膽同燒，兩者味道好合拍。	雞泡魚白子天婦羅 雞泡魚白子的品嘗期為12月至1月，在日本只有高級餐廳才會供應。每天新鮮直送，只要輕輕一炸即可，質感柔滑得如豆腐花。	時令水果 以日本士多啤梨及蜜瓜作甜品，先聞到果香味，再吃到水果甜，滿口甜蜜。

New Year Eve Dinner Menu （a）

Slow Cooked Lobster-Scallop Tartare, Uni, Frisee Salad and Lobster Vinaigrette 頭盤以波士頓龍蝦和日本帶子製成鮮味十足的他他，配以海膽及龍蝦醋汁，一次過嘗盡不同海鮮鮮味。

Penne, French Pigeon Ragout, Confit Pigeon Breast, Pan Fried Foie Gras and Caramelized Figs 法國鴿肉嫩滑Juicy，與鴿胸和鵝肝味道很匹配。

供應時間：6:00pm~Midnight

收費：$3,000/位（9道菜，另加一服務費）

註：1.餐廳設倒數環節，客人晚餐後可留待倒數。

　　2.現接受Waiting List訂枱。

奇幻魔法等倒數

除夕夜，由晚餐到倒數時間相去甚遠，如果無「間場」節目，難免有悶場。Harlan's於除夕當晚便推出「奇幻黑白魔法之夜」，特別請來今年電視節目「魔法擂台」冠軍得主、有「魔法之王」外號的李澤邦坐鎮，即場表演精彩魔術，讓大家可以近距離感受魔法的奇妙之處，帶來視覺的衝擊。他當日會罕有地傳授魔術的竅門，揭開魔法的神秘面紗；而餐廳亦有駐場魔術師接力，大家可以一邊欣賞魔法，一邊品嘗廚師精心炮製的美食兼等倒數，一次過帶來多重滿足。至於有甚麼魔法，我暫且先賣關子，希望到時更驚喜精彩！

松露4重奏

表演精彩，究竟名廚今年有何好「煮」意？除夕夜套餐共有6道菜式，統統都做得色香味俱全，而且變化多；最特別是以矜貴黑松露為主角的主菜Winter Truffle "4" Ways。平時食松露都是將之刨成片，撒在菜式上提香；年紀輕輕兼諗頭多多的主廚關偉聰師傅特別以4種方法炮製松露，杯子內有３層，底層是將松露汁混和蛋、雞湯製成Custard，質感好幼滑；中層以酒將松露煮成蓉，口感會較Raw，菌香中散發酒香；頂層則是松露Emulsion，綿密且濃香：另有菌味最濃的炸松露，配清新沙律醬吃，香、脆、滑，味道精彩連連。另一主菜法國鴿則加入紅酒及雜菜煮成Ragout，配上嫩滑鴿胸、甘香油腴的法國鵝肝，以焦糖無花果作平衡，每口都吃出心思配搭。

順帶一提，餐廳位於The ONE的19樓，坐擁無敵維港景色，將香港夜景盡收眼簾，加上晚上閃爍的燈火，特別迷人。一次過睇夜景、嘗美食、欣賞魔法兼倒數，這個除夕夜夠晒充實難忘。

Harlan's New Year Eve Tasting Menu on 2011 （b）

供應時間：6:30pm~Midnight

收費：$1,388/位（成人），$1,280/位（11歲以下小童）（6道菜，另收加一服務費）

註：尚餘小量座位。

撰文：蘇瑞霖　部分攝影：張群生

（a）地址：尖沙咀柯士甸道西1號環球貿易廣場101樓A舖

查詢電話：2972 2666

（b）地址：尖沙咀彌敦道100號The ONE19樓

查詢電話：2972 2222