陳君宜Online Shop唔易做

鄭躬明太太陳君宜（Qinnie）早前將位於中環的時裝店結業，轉為發展網上時裝商店。當時大家都有幾個以為……

以為地舖生意冷清做不住？原來剛好相反。

Qinnie凡事親力親為，絕非Hea做。	最近新設的VIP試身室，地方寬敞且私密度高，方便VIP約同三五知己慢慢揀衫。	除了辦公室及貨倉外，還設置影樓，方便影相。

Qinnie稱時裝店生意好好，還有意大展拳腳一次過開十多間分店，不過，當她與丈夫四處找舖位，才驚覺好舖難求，加上舖租貴得嚇人，將大部分成本花在租金上亦不划算，後來丈夫靈機一觸決定改做網上商店：「我向來有網上購物嘅習慣，24小時Online好適合香港人，加上香港仲未有一個完善又有規模嘅購物網站，所以我哋都覺得網上商店潛力無限。」

Qinnie引入的首飾特別，在港並不多見。她尤其推薦Yuna的頸鏈及方形立體戒指。	立體寶石手鐲來自品牌Milin，其他則是House of Harlow 1960。	Tu'i手袋是Qinnie成功傾回來的獨家代理品牌之一。

投資千萬 日做十幾粒鐘

以為網上商店的投資金額比地舖少？原來錯了。

Sophie Hulme手袋設計簡約。	從未做過上班族的Qinnie，現在一日做足十多小時，雖然辛苦，但滿足感大於一切。	Qinnie為宣傳網站，每月會推出一本雜誌式宣傳刊物，製作認真。

Qinnie透露至今已投資逾千萬元，他們在柴灣租了過萬呎的地方，分為辦公室、影樓、貨倉及VIP試身室，員工已有廿多人，每季花數百萬元入貨，他們還有意將業務擴充，預計總投資達數千萬元，她解釋：「網站唔單止係賣時裝，將會發展為一個Life Style嘅網站，會有音樂以及其他媒體，但暫時唔可以透露住，依家開始搵多啲人合作，務求做到多元化。」

時裝以易於Carry為主，但就不乏Details，正如Qinnie本身的穿衣風格。	陳君宜於網站開張當日親自行騷。	徐子淇

以為少奶奶的Qinnie只是玩票性質打發時間？原來又錯了。

Qinnie坦承之前做模特兒到開時裝店都很悠閒，除了到外國買貨，每星期到舖頭巡個圈就得，不過，今時唔同往日：「我真係好畀心機去做，工作量係以前嘅十倍，一日做十幾個鐘，晚晚做到凌晨兩三點，所以初時聽到有人話我係玩玩吓，真係好唔開心。」

做埋送貨 嚇親客人

Qinnie現在依然負責到歐洲等地買貨，還要跟當地有潛質的新進設計師傾代理。為減低成本，她推出自家品牌，特別邀請了一名加拿大設計師Jennifer負責設計，再到深圳找工廠生產。而他們每個月又會推出一本雜誌式宣傳刊物，內容有新產品介紹以及潮流資訊等，由封面拍攝到內容撰寫，都由他們一手包辦，她說：「其中有一期嘅封面就係喺我屋企影。」

Qinnie由管理、買貨、挑選模特兒影目錄、跟設計師商量設計方向等等都要負責，誇張到連送貨都試過，把客人嚇了一跳，她說：「我個網站寫明24小時內送貨，有次出咗問題，件貨仲要係一份生日禮物，要深夜12點前送到，我為咗堅守公司承諾，於是親自揸車送貨，仲要係送去元朗，好在去到未過12點，個客見到我都忍唔住問：『你哋係咩速遞公司，咁夜仲送貨？』我同個客解釋完，佢好欣賞，對我哋留咗個好好印象，後來一直有幫襯。做網上購物真係好靠口碑，所以我一個客都唔想得失，想盡量滿足每一個客。」

老公作舵手

對之前從未試過返寫字樓工的Qinnie來說，經營一間公司並非易事，幸好她有老公做舵手：「我老公之前做開大生意，佢話呢度得廿個員工，好濕碎。其實我老公有七年冇做玩具嗰行，期間只係炒股票、炒樓，所以一直都好想再做生意。佢真係一個工作狂，試過瞓瞓吓覺，叫醒我起身傾公事。佢個人又心急，一諗到就要做。構思做網上時裝店係年頭嘅事，2月14日已經正式運作。雖然真係好辛苦，但係辛苦得嚟開心。」Qinnie深信與老公是最佳拍檔，二人可以克服任何事：「老公以前好怕水同懼高，但佢話愈怕愈要克服，我同佢一齊去克服，依家我哋潛水同滑雪都冇問題。」果然夫妻同心，其利斷金！

親力親為

Qinnie在訪問中透露她與丈夫對網站的任何事也會親力親為。這個真的不假，以下是真人真事：

在VIP試身室訪問期間，見到有人搬來長梯，並爬上去換燈泡，初時以為是裝修工人，但Qinnie突然走過去緊張扶着長梯，才發現換燈泡的人正是鄭躬明。

子淇啟發

Qinnie稱好友徐子淇也是啟發她創業的人，因為早在多年前子淇已經在網上購物，她說：「你知啦，佢唔方便四圍行街買嘢，而且佢喺外國讀書，外國好流行網購。我後來發現原來好多朋友都有網購習慣，所以呢門生意一定有可為。」當然，子淇也是其網站的捧場客之一啦！

採訪：陳嘉敏　攝影：黃叔榮