中環$30店平食Wagyu

日本300Yen概念

Kitchen Wagyu Kitchen En以往以和牛菜式作賣點，最近重裝並改名為Wagyu×Bar 30，變身為酒吧，餐牌中除了保留部分招牌菜式及小食外，還將日本現時最流行的300Yen酒吧概念引進香港，店名中的30，就是$30的意思。餐廳大廚Andy說，近年日本經濟轉壞，當地酒吧都以新招吸客，出現300Yen、600Yen、900Yen等劃一收費的酒吧，他覺得這概念在香港應該受歡迎。

和牛掛帥

這裏主打$30的飲品及小食，選擇也不少，有10多款，燒和牛粒、番茄粒多士、芝士釀紅椒、雅枝竹，都是佐酒佳品；最正是和牛粒，先煙熏後燒，好香口；而多款Cocktails亦是$30通殺，酒鬼最開心！為了滿足心多多的香港人，餐牌亦設$60、$90、$120的小食及菜式，由沙律、意粉到鐵板燒都有，不少都以和牛掛帥，分量剛好，純粹來飲幾杯傾偈又得，來開餐也可，靈活性十足。

Wagyu Pinchos Steak $30 和牛煙熏過後切成方粒再燒，牛味濃郁甘香，還滲出煙熏味，是紅酒的最佳拍檔。

Prawn Ajillo $90 新鮮海蝦放進煮滾的橄欖油，泡至僅熟，入口好甘香，蝦肉鮮甜爽口，佐酒一流。

地址：中環士丹利街11號3樓

Wagyu Meat Sauce Pasta $90 用和牛做的肉醬味道果然與別不同，充滿牛脂香味之餘，就連意粉也分外滋味。	Grilled Asparagus with Blue Cheese Sauce $90 燒過的蘆筍伴以白酒、忌廉及藍芝士調校而成的醬汁，充滿濃濃芝士香。	Teppan Wagyu Flank Steak $120 澳洲和牛甘香油潤，放在鐵板上燒，牛脂香味爆破。

查詢電話：2834 7223

Tequila Sunrise $30 坊間每杯約$80的Tequila Sunrise，這裏$30就飲到，屬超值之選，Tequila Fans必試。	Brushchetta $30 烘至脆卜卜的多士上有加了新鮮香草及蒜蓉的番茄粒，一咬爆汁，清新不膩口。 註：餐牌菜式不時轉換，一切以餐廳公布為準。	格調走簡約路線，令人坐得舒服自在。

去中環蒲吧

Angelamamy@中環Wagyu×Bar 30 26人讚好！

用iPad點餐雖然不是新鮮事，但在酒吧用iPad點選飲品夠晒型格。	Smoked Salmon and Crab Meat with Sour Cream and Capers $62 煙三文魚包住鮮味蟹肉，做成圓球狀，好別致；上面有酸忌廉及黑飛魚子點綴，鹹鮮味濃。	Louis Roederer Cristal 1999 $28,888 氣泡細膩，是香檳區內的代表作。入口順滑有餘韻，難怪成為香檳中的極品。

Gemma：中環$30一杯飲品？真唔真呀？飲汽水？:O

Angelamamy：珍珠都無咁真！有生啤、紅白酒、威士忌，仲有由龍舌蘭酒、伏特加、冧酒調校而成的雞尾酒添！:D

咖喱：嘩！咁筍！淨飲使唔使雙計？:-O

Angelamamy：係呀！出面要成$80的Tequila Sunrise，呢度$30就有交易！最正係所有$30的飲品及小食都不設上限，也不設最低消費！Yeah^^

Goman：淨飲好寡，小食O唔O先？

Angelamamy：掂！$30可以食到和牛粒、意式番茄多士。

Goman：嘩咁正！叫10碟和牛又得唔得？

Angelamamy：10碟要$300，不如試下$60、$90或$120的意粉、和牛鐵板燒或者和牛沙律，水準都不錯的。

咕咕：環境又得唔得呢？

Angelamamy：分室內和室外部分，喺中環來講，都算有空間感，但人多起來都幾嘈。@_@

咖喱：擇日不如撞日，你今晚陪我再去啦！:p

玩iPad！豪點激貴香檳

Wagyu×Bar 30大玩平和簡約，同區的新酒吧Eivissa賣點卻完全不同。以西班牙一個小島為名，並以時尚及科技為設計概念。走進去，牆身上設有10部iPad，其實是餐牌，讓客人點餐，大家只要「手指指」，輕輕翻來覆去，便可點選各式飲品及佳釀。當中最注目莫過於3公升裝的Louis Roederer Cristal 1999香檳，每瓶索價近3萬元！除了飲品之外，這裏亦供應多款精緻小巧的佐酒Tapas。有10多款選擇，有冷有熱，當中包括用美國帶子、挪威煙三文魚炮製而成的海鮮凍盤小食，分量的骰，做法卻仔細，像帶子，配以西班牙肉腸和以醬汁拌過的薯塊，一啖食到多重滋味。

地址：中環雲咸街77號

查詢電話：2520 5818

酒吧玩iPad

AC@中環Eivissa 12人讚好！

AC：間酒吧以藍綠色波浪圖形設計，真係好有小島格調，好Relax呀！XD

嘉玲：嘩！好好Feel！

AC：點止，仲玩埋高科技。用iPad點飲品，過足手癮！kakaka

阿炳：聽聞有支2萬幾蚊嘅香檳喎！有咩咁巴閉先？

AC：係呀！Louis Roederer係法國最著名香檳品牌之一，有200幾年歷史。勁勁勁。

發緊夢 ：消費咪好貴？:-o

AC：唔飲香檳，飲Cocktail平好多，慳慳地百幾蚊都OK。

發緊夢 ：咁有咩好食呢？

AC：佐酒小食囉，做得唔錯，連薯片都自製！仲有煙三文魚包住蟹肉，配酸忌廉食，同餐廳主菜一樣咁豐富；老友，Go la！>3<

暖身滋味西式野味

歐洲現在已進入狩獵野味的季節，身在香港未必與這些暖身野味菜式無緣，位於尖沙咀的希戈餐廳最近推出多款初冬野味菜式，包括燒野雞胸拼燴野雞腿、燴黃麖配燒菜根、酸忌廉及燒野鴨胸配油封鴨腿批等。外國人吃野味不像中國人，他們十分注重配搭及賣相。簡單如野兔的後腿，也要以紅酒醃製後再用慢火烹調，然後再配上自家製意式麵條和西梅乾，味道層次豐富。難怪食野味成為他們每年的盛事。

地址：尖沙咀河內道18號香港凱悅酒店大堂樓層

查詢電話：3721 7733

寒風起食野味

豬扒@尖沙咀希戈餐廳 19人讚好！

型男：你又去Hugo's！有新菜咩？

豬扒：係呀！今次去食野味。^^

文人：吓！食野味，咁核突……><

豬扒：一啲都唔核突，西式野味賣相好靚o架！

高材：好唔好食先？

豬扒：餐廳大廚Chef Richard出名慢工出細貨，就算燒塊野鴨肉都慢慢來，外脆肉嫩好好食。

Mary：嘩！咁咪好鬼貴！

豬扒：話晒都係高級歐陸食府，幾百蚊一道菜，價錢算合理o架喇！

Mary：等我約埋老公去試下先。

撰文：褚愛琪 部分攝影：譚建章