姚予晴反傳統做搖滾新娘

Mikki與男友Sunny拍拖多年依然恩愛，小兩口亦已計劃明年10月結婚。對於婚禮構圖，Mikki表示：「一向好簡單，唔嚮往好多人出席嘅婚宴。當然希望同好Close嘅朋友分享，但過程會輕鬆啲，唔使朋友好Formal咁着靚靚嚟飲喜酒，所以一定唔會擺酒，太麻煩啦！」

Mikki更坦言自己不能承受擺酒的壓力：「因為我係一個極度怕麻煩嘅人，耐性又唔好，EQ亦唔高，即係台灣人口中嘅容易『抓狂』。當我認為一啲我唔需要承受嘅壓力偏要嚟嗰時，我就會發脾氣同發癲。」所以Mikki與男友不排除旅行結婚，待回來搞一個Party，以省卻麻煩。

姚予晴與男友曾朗鳴訂下明年婚期，並構思婚紗照以搖滾為主題。	Mikki鮮有作性感演出，去年的日曆罕有地以比堅尼上陣。	Sunny曾於生日會上求婚，並向Mikki送上熱吻。

婚照構思保密

雖然怕麻煩不擺酒，但Mikki對影婚照就絕不抗拒，還表示婚照會打破傳統來點新意，她難掩喜悅地笑說：「我已經有幾個構思，但保密唔講住。不過我本身鍾意玩激啲。（着三點式？）唔會啦，都冇身材。可能會玩Punk Rock嘅造型，雖然我唔鍾意呢類型音樂，但就鍾意Rock嘅感覺，所以想用類似呢種好玩嘅元素。（咁咪要用黑色？）呢方面我又比較傳統，希望婚照畀人幸福開心嘅感覺，所以唔會用黑色。」

男友和薛芷倫雖翹手夜蒲，但姚予晴堅信情不變。	姚予晴自嘲身材欠奉，「有」都係「谷」出嚟。	姚予晴熱愛模特兒工作，日前就於廣州為Chanel行騷。

暫不適合生育

至於婚後會否全力造人？Mikki坦言對小朋友沒甚好感：「一向唔鍾意小朋友，可能未到呢個年紀啦！不過有啲做咗媽咪嘅Model前輩，同我講生咗出嚟就一定會鍾意。雖然我唔想生住，但又會諗吓生咗出來似老公定似我呢？呢個係我覺得生BB唯一期待嘅嘢，哈哈！」

姚予晴熱愛模特兒工作，日前就於廣州為Chanel行騷。

姚予晴和曾朗鳴常周遊列國，早前拍拖遊馬爾代夫。

即使Mikki沒有婚後立即造人的衝動，但仍覺得36歲前一定要生一個。Mikki笑言：「畀幾年時間自己考慮。我好小朋友，亦好情緒化，小朋友暫時對我嚟講唔係一個好選擇。（Sunny有冇話好想生？）佢冇所謂，錫晒我。」準新娘果然幸福滿溢。

婚後選擇工作

很多藝人或模特兒婚後都會轉型，甚至退下來相夫教子。但Mikki表示婚後會繼續當模特兒，只是在工作上變得有選擇性。至於模特兒外的工作可會接觸？Mikki笑指自己充滿好奇心，如果有好機會都會嘗試，但她坦言受廣東話發音和身高所限，主持和拍電影都會受到限制，所以若然不當Model，會考慮退出幕前。

現時大批自稱是模特兒的青春少艾湧現，Mikki又有何看法？她說：「由頭到尾都唔覺得佢哋係模特兒，佢哋係Talent。模特兒係專業名詞，你可以話有好多種，例如有平面，但只有行天橋嘅Model先會係Supermodel。」

天橋晒pat最難忘

Mikki說：「我17、18歲時第一次行名牌泳衣騷。嗰時我好瘦冇贅肉，所以導演覺得我着T-Back會好睇，結果分配我着T-Back行騷。當時我初生之犢不畏虎，覺得冇嘢又唔係冇着衫，但完咗騷就開始覺得好尷尬，因為我一行出去啲觀眾就嘩一聲，同埋我覺得屁股涼浸浸。呢次真係最大膽，自此唔敢再着。」

改名的原因？

Mikki中文名原叫姚書軼，後來改為姚予晴；同時，男友Sunny的中文名亦由原名曾智超改為曾朗鳴。為何二人會一同改名？Mikki說：「其實唔係特登約埋一齊改，不過一直都有命理師傅提議我哋改名，但我哋冇刻意去理。直至兩年前朋友個師傅話幫我哋改名，改咗會對我哋兩個各方面發展都好啲，跟住就一齊改咗啦！」

採訪：李惠儀

攝影：李廣成

髮型：Machi@Xenter Jut

服裝：MaxMara

場地：Baci Pizza