Ricky浸出時裝觸覺

記：記者 Ｒ：Ricky

看守明星衫開始

記：你是如何入行的？

Ｒ：自小已很喜歡畫畫，冇心機讀書，知道自己唔會揸筆搵食。中學時期做暑期工，做Fashion Show的幕後Helper，幫模特兒換衫、熨衫、摺衫和執頭執尾等，開始接觸呢行。之後加入唱片及電影等公司，同明星做嘢，也試過好似保安咁，負責看守住明星的衫，由低做起，慢慢建立起人際網絡。期間讀過時裝設計、美術等，Fashion Sense真係要浸出嚟，冇得教，真正有Quali先有人信服，交個人畀你裝身。

最欣賞Alber Elbaz

記：最欣賞哪個設計師同牌子？

Ｒ：Lanvin的肥仔設計師Alber Elbaz，估唔到他的吸引力咁大。試過睇佢Fashion Show，完場後，在場三百多名着高跟鞋的貴賓都一窩蜂衝入後台，只為跟他說一聲讚美，真的嘆為觀止。牌子我喜歡mercibeaucoup,，玩味重一點；Rick Owens將建築美學滲入設計，也很前衞獨特。

靚得嚟實用

記：身為造型師，每日的造型是否要襯絕才出門口？這樣是不是很花錢裝身？

Ｒ：不，視乎場合。去Ball、Party等當然要隆重點，平日工作我喜歡Casual和斯文一點的打扮。也試過自己襯衫出事，即刻在街上買過件換。年輕時會很捨得花錢買名牌，現在不會了，因為知道靚嘢日日新鮮，根本買唔晒，我現在買東西的準則是靚得嚟實用。好像鞋，靚都要着得舒服，最貴是買過萬元的Rick Owens Boots，依家都捨不得穿。

暗地增高

記：為甚麼特別喜歡高筒Sneakers？

Ｒ：我的工作要成日走動，所以鞋子一定要舒服。我很喜歡Mid High Sneakers，一來舒服，二來百搭，襯貼身褲、直腳褲、短褲、Leggings或一身簡單淨色的造型，一穿上Mid High Sneakers即時型好多。另外，我偏愛厚底的設計，一來承托力好一點，冇咁易累，而且可以暗暗地增高。有時靚款，一買就齊色，亦試過買一對穿，一對儲。家裏單是高筒Sneakers已有大約60對，就嚟冇位擺。

喜歡隨意打扮

記：你經常品評明星的打扮，有冇試過因此得罪人？

Ｒ：沒有，我一向對事不對人。試過在某場合遇到某影后，她跟我說：「上次係咪你話我着得唔好睇？」我即時點頭並Say Sorry。她竟然說：「多謝你，這些說話身邊的人都不敢跟我說，多謝你提點我。」

記：你最欣賞圈中哪些男、女星的打扮？

Ｒ：可以答沒有嗎？我覺得都是有人為他們裝身，根本不清楚自由真正的Style。現在很多人會影每日一Look，那都是刻意配襯過的，我比較喜歡隨意一點，外國街頭的無名英雄，早早穿出幾年後流行的衣服，那才是前衞，帶領潮流。

記：做Stylist超過十年，有甚麼難忘事？

Ｒ：試過在海邊拍瘦身廣告，因為就快日落，我們為捕捉陽光，大家都很匆忙。而我為了盡快拎條裙畀Model，成個人行落水，雙手高舉條裙，可是這樣口袋裏的電話和相機都浸濕而壞了。

男士裝身貼士

Ricky睇好男裝市場，說：「男仔比女仔更捨得花錢買衫褲鞋襪，因為他們一穿就幾年，覺得靚的就值得。不過造型上一般都太簡單，睇落好寡，我建議加少少配飾，小改變大改善。」

Mid High Sneakers最易襯衫，襯長短褲、Roll腳都得。	皮革首飾的粗獷線條，最適合男士造型，另粗帶搭幼帶，更多層次感。	深色膠框眼鏡最能突出知性氣質，每個男人都應該有一副。

Ricky's儲物
Sneakers

是次訪問，Ricky專程帶來二十多對珍藏鞋，原來也只是收藏的冰山一角。這些都被他稱之為「變態」款，特別與眾不同。

Ricky有朋友自製窩釘CONVERSE，但他自己沒時間整，寧願買。Forfex藍色窩釘Sneakers，價值$1,700。	黑色Rick Owens Boots就見得多，白色特別但易污糟，Ricky不捨得穿，只作珍藏。	mercibeaucoup, Patchwork Sneakers質感豐富，Ricky買了三隻色，話一年四季都着得。
D&G Sneakers是至愛之一。	MMM以漆油作Coating的Sneakers，夠晒玩味。	Pierre Hardy白色通花Sneakers，襯彩色襪最型。

A Bathing Ape

七、八年前，潮牌A Bathing Ape只在日本有售，Ricky經常到日本朝聖，直至香港有分店，每到出糧日，Ricky也第一時間衝去買新貨，笑稱自己為該店店員打工。

撰文：郭可儀

攝影：蘇榮基