湊BB係一件不容易的事，要一眼關七，睇少陣都唔得；雖然辛苦，但當見到BB的笑臉，又會覺得好值。但係，當你經過一日辛勞，歸家後諗住氹寶貝瞓覺，偏偏佢鬼打都冇咁精神，真是挑戰緊你耐性的底線。早前在網上熱賣，今個月14日終於會在北美書店面世的《Go the F**k to Sleep》，作者Adam Mansbach就成日畀兩歲的囡囡在臨瞓前挑戰耐性啦。在這本32頁大圖少字的書中，Adam搜腸刮肚，氹女的說詞如詩般美，但最後總是挫敗地以Go the F**k to Sleep作結，十分幽默抵死。為人父者當然不會這樣罵孩子，他只是想寶貝快啲瞓，發發牢騷而已，內心還是充滿愛的。