Lomography不斷「放毒」，小記一直都忍到手，但睇怕今次都難逃一劫。所講的是新登場的LC-Wide，沿用經典LC-A的外觀設計，只是功能上作出提升，比由LC-A「升級」到LC-A+時好玩多幾倍。全因新機配上一支17mm Minigon玻璃鏡頭，比上代往往要30mm以上，確實Wide很多；今次除了可拍到正常Full Frame相片外，亦可玩埋半格相和1:1正方形相。不過玩法更多自然要付出更高代價，要花近$3,000先買到部「玩具」LOMO菲林機。但由按下快門到相片被沖曬之間的期待，都值呢條數！