有人話愈傷心愈想飲酒，計我話，品酒除了是一門學問，仲要同一班人飲先至開心，尤其是近年紅酒大熱，想同好友揀吓紅酒、嗒真餘韻，現時iPhone就有不少講解紅酒和品酒知識的App，閒時做定功課，有靚女問起揀邊支紅酒，都唔怕尷尬啦。
近年新世界的紅酒冒起，有專家說2006年開始，澳洲紅酒出口到中國的數量已超越法國！這個由澳洲葡萄酒管理局推出的App，包含了澳洲產區、酒莊、旗艦葡萄酒等資料，還會教你如何享用美酒，當中有近50款葡萄酒精選；此App有埋簡體中文版本，想認識澳洲酒更輕鬆。
售價：免費
紅肉配紅酒很多人都知，但咁多款紅酒和美食，怎樣配搭才是Perfect Match呢？這個App就是為此而設計，只要你在食物轉盤內，點選了食物種類如牛肉、海鮮、蔬菜等，然後再選擇料理方式，程式便會為你選出相配的酒類，並提供該酒的詳細介紹。
售價：2.99美元（折約港幣$23.3）
如果食緊隻燒乳鴿，應該飲支咩酒先配搭呢？這App針對中菜和餐酒，提供簡單快捷的配搭選擇，內置了近300款中國菜和超過1,200款酒類。各位只要先選擇食品，程式便會為你搜尋出5款匹配餐酒，你還可以寫下自己對不同酒的評語，儲存成個人最愛。
售價：免費
除了美食，原來音樂也能與葡萄酒互相配搭。這App找來音樂和美酒達人劉偉民，為不同葡萄酒選出數十首相配的歌曲，當中有Norah Jones、Stacey Kent等多位著名歌手。雖然只備有英文版本，但App內提供即時歌曲試聽，即使唔識歌名，只要一按也能知道是否啱Feel！
售價：4.99美元（折約港幣$38.9）
無論你紅酒知識幾豐富，但開口點法國紅酒時，卻讀錯酒名的話，就真係瘀爆。這App其實似足一本eBook，有繁、簡中文版本，內裏包含法國6大葡萄酒莊及不同葡萄品種的資料。睇到「Dom Pérignon」這酒名唔識讀？只要一按便會有地道法國人讀一次畀你聽，咁就唔怕用餐點酒啦。
售價：7.99美元（折約港幣$62.3）
撰文：李潤康