NX11鏡頭先決扭出玩味

上年Samsung發布NX100細機，首玩i-Function智能鏡頭，在鏡頭上一按一扭即可揀選各種設定，好用又有創意，今次更將這功能放到NX11可換鏡大機之上。

雖然新機外形和上代差不多，但黑白色調配合更好揸的手柄，內裏還備有全景拍攝及5種Smart Filter特效模式，一言以蔽之「專業機身、好玩功能」！

今年推5支新鏡

上代NX10採用全黑專業設計，今次NX11竟玩白撞黑熊貓新色，專業中更見潮味。當中最大賣點是引入i-Function鏡頭設計，拍攝取景時想調校光圈、快門、感光度、白平衡等，毋須再按掣進入菜單選取，只需於新鏡一按iFn掣，再扭動轉環即可調校，慳工夫兼慳時間。

一按iFn掣即可揀選各種設定。

進入iFn後，可快速調校ISO等選項。

NX11套裝跟上一支18~55mm標準i-Function鏡頭讓大家試玩，而且Samsung表明今年會出多5支i-Function新鏡，買機後都唔怕支援性不足。

按鈕配置跟上代相同，還用上3吋AMOLED屏幕。

採用NX鏡頭接環，目前只對應到Samsung鏡頭。

操作介面跟以往NX系列相同，甚具型格。

鏡頭預設場景

Samsung在NX鏡頭設計上頗花心思，每支鏡頭都預設了優先拍攝主題功能，大概可以理解為「鏡頭先決」，例如換上廣角鏡會優先設定為風景拍攝模式，相機能感應到不同鏡頭而自動轉換場景模式，大大減省設定的時間。不過話說回來，NX鏡頭設計仍屬封閉式，未有副廠支援，選擇性始終未及M4/3機種。小記即場以18~55mm標準鏡頭試拍，成像還算不俗，配合1,460萬像素APS-C型CMOS感光元件，在ISO 800感光度下雜訊控制還算理想。