陳碧舸焗撐本地薑痛失巴黎騷
時裝設計師張天愛與愛徒陳碧舸前晚出席時裝騷，她透露愛徒原本有機會到巴黎行高級訂造服騷，卻與前晚的時裝騷撞期，她以做人要有原則為由，迫令對方推掉到巴黎行騷的大好機會。
張天愛（Flora）前晚為由貿發局舉辦的「香港青年時裝設計家創作表演賽」擔任評判，其愛徒模特兒陳碧舸（Bonnie）則負責行騷，Flora大爆Bonnie為行是次時裝騷，推掉在巴黎行高級訂造服騷的機會。
撞咗期唔接得
Flora表示日前著名時裝品牌Givenchy邀請Bonnie到法國行騷，但卻與今次的時裝周撞期，她說：「我知道去法國行高級訂造服一直係佢嘅夢想，但我同佢講撞咗期，一定唔接得。Bonnie前年喺香港走紅，要做人先過做事，唔係為錢，我鬧到佢聲都沙，鬧到佢喊，我叫佢等下一個機會，佢都有怪我，但做事要有原則，全世界都睇住中國，唔可以做到一半就唔做。」她大讚Bonnie對她言聽計從，繼而大讚愛徒在模界成就卓越：「依家喺香港好興Baby Model，佢係Super Model Size。佢畀CNN選為世界五大中國名模，佢喺美國搵錢多過香港十倍。」
拍拖有助演出
至於Bonnie亦認同Flora的看法，故不感可惜，她又稱：「可能將來有更好工作，亞洲市場喺海外愈嚟愈大。（冇得去法國行騷損失好多錢？）唔關錢事，係想Up Grade自己。」提到感情生活，Bonnie直認有男友：「答你冇就呃你，有好正常，因為做演員同模特兒，如果冇拍拖就同白開水一樣，要體會愛，演出先有表演力。」她指男友是中國人，待二人戀情穩定才向大家介紹。
文：名人組