暢遊大帽山 Stepwgn巨幕享藍天

對於少運動但又想鍛煉身體的朋友，行山遠足就最適合，假如閣下係行山初哥，除咗要搵經驗人士帶領外，最好就揀選較易行的路線。今日筆者就推介大帽山郊野公園，不但有免費停車位，附近仲有遠足徑、觀景台和茶樓，夠你玩足全日！

四季各具風味

大帽山居高臨下，是本港的第一高峰，於山頂可觀賞到優美景致。駕着馬力達150ps的Stepwgn，沿荃錦公路、大帽山道輕鬆直上至道路限制區，可俯瞰新界大部分地方，天色好的話更可遠眺蛇口、深圳等地，而且Stepwgn配備巨型天幕，沿途有藍天簇擁，感覺更爽。大帽山道不設街燈，加上路面狹窄兼冇防撞欄，夜探山頂謹記以安全車速行駛，落山盡量以低波行車，以防制動系統出現過熱失效。

郊野公園設施多

觀賞完山頂美景，可驅車沿原路往下走約1公里，前往大帽山郊野公園，這處有約20個車位，旁邊設有大型燒烤場及遠足研習徑。此外，入口處還設有測試體能設施及基本遠足安全知識的傳意牌，很適合行山初哥學習遠足技巧。想知更多大帽山郊野公園的資料，可到遊客中心索取有關資料，但只在星期六、日及公眾假期開放（年初一、二除外），時間由9:30am至4:30pm。

售價：$309,880起	Stepwgn可以坐足8 人，載埋成班朋友一齊去遠足就最啱。	中排非常闊落，腳部空間充足。
行到攰時，可將座椅摺成大床休息。	大帽山郊野公園遊客中心只會在星期六、日及公眾假期開放。

川龍歎大包

行完一個上晝，都係時候醫肚，如果唔想自己起爐燒烤，可沿荃錦公路落川龍（約3.5公里）飲茶，歎番個馳名大包和郊外油菜！荃錦公路不時有道路工程，不適當使用手掣在斜坡起步，很容易會造成溜後。幸好，本田（Honda）Stepwgn Spada就配備了斜坡起步輔助系統（Hill Start Assist），在斜路鬆開腳掣數秒也不會溜後，而且地台以梯級式設計，高度僅390毫米，長者及小孩也可輕鬆上落。