什剎海逾百小吃 Michael唱好燒雞翼

依家少年食神Michael，晚晚在公仔箱主持飲食節目，大家見到佢介紹嘅美食，係唔係流晒口水呢？早前小記跟住佢飛到北京，更相約靚女藝人王一冰捐入什剎海搵食，一次過食盡幾百款北京地道美味，仲要食「爆肚」！好彩爆肚原來係牛栢葉，唔係真係食到爆肚，就返唔到香港啦！

跟住Michael同靚女王一冰來到九門小吃，滿枱都係小食，食到爆肚為止！

九門小吃掃小食街

北京的什剎海，是出名的餐廳及酒吧地區，又稱荷花市場，平日來到可以在湖邊一面賞花，一面品嘗佳餚，或是深入小巷尋找地道小食店。今次跟住Michael捐窿捐罅，深入胡同小巷，找到隱藏在民居中的九門小吃。店舖置身於中式庭園內，佔地甚廣，更在中央通道兩旁建了賣小食的攤檔，變成小食街，足不出戶已搵得齊京城小吃。游走在攤檔之間，見到即叫即製、香噴噴的食物，好像豆汁、焦圈、餃子、雲吞、生煎包、豬雜、燒雞翼、燒賣、京東肉餅等，大大小小多達300多款小食，我都唔知點揀好！

燒雞翼惹味又香脆，人民幣7 / 2隻（約HK$8.4）。

食好嘢當然由食神發辦。在滿枱美食中，Michael笑住唱：「燒雞翼~我鍾意食！」這裏的雞翼用上孜然粉等香料醃製，以炭火燒到皮脆肉香，惹味到極！而北京姑娘王一冰則最喜歡燒賣，但這個燒賣的外形貌相似小籠包，不是我們食慣的茶樓蝦肉燒賣，應該講係用雲吞皮包住肉碎、蝦肉等材料的包仔。勝在入口肉味鮮濃，肉汁四濺，好味道！

九門小吃

地址：北京市西城區德內大街孝友胡同1號

電話：（86）6402 5858

京東肉餅是用上酥餅夾着薄片牛肉，好味道，人民幣4/ 個（約HK$5）。	燒賣肉味鮮濃，令人回味，人民幣3隻（約HK$3.6）。	大家可以走到攤檔前，看到師傅即席烹調食物的情況。
在門口遇上講胡同歷史的伯伯，Michael熱情地同佢合照，猛話伯伯好正。	這裏不是街邊檔，而是在店舖裏特別建出來的小食街。

爆肚張在充滿中式特色的建築物內，外面卻放了些很時髦的梳化。

爆肚張食爆肚

數北京出名的小食，一定是爆肚！說穿了其實是醬爆牛栢葉，大家可能每一餐都見到它，其中在什剎海的老店爆肚張，便是Michaela。小店從1883年營業至今已傳到第4代。Michael最欣賞牛栢葉夠爽口，那個醬汁更是靈魂所在，用上花生醬、麻醬和葱花混合而成，又香又滑，用來蘸牛栢葉實在一流！而店內的爆肚分別有黑色及淺色選擇，黑色的是來自食粟米的牛隻，牛栢葉煙韌有咬口，而淺色的則是食雜糧，食落較爽脆，要那種就看你的口味了。另外這裏還有不少老北京的甜點，好像名字有趣的驢打滾，原來是紅豆糯米糰蘸上黃豆粉，入口甜而不膩，趁熱食鬆軟可口，否則放涼了就會變硬，味道就差得遠了。

爆肚張

地址：北京西城區前海東沿17號

電話：（86）6405 7412