粒粒顯關懷白米贈長者
本港現有接近三十萬名貧困長者，有調查更發現每三名長者便有一人捱窮。為免有需要長者囿於經濟而「憂柴憂米」，東方日報慈善基金已連續十三年舉辦「粒粒顯關懷」贈米活動，在善長的踴躍捐輸下，每月均透過志願團體及長者屋，向近六千名長者送上一包包白米。長者未來的「米飯」，有賴善長繼續慷慨捐輸。
「我哋中國人最緊要屋企有米糧，我係『飯桶』嚟㗎，餐餐都要有米落肚！」今年八十歲的陳見為贈米活動受惠人之一，每月均會前往耆康會啟業長者鄰舍中心領取「愛心白米」，陳婆婆受惠於贈米活動多年，並一直為當年申請獲批而深感欣慰，「有啲老友記見到我有東方米，個個都話好想要！」陳婆婆不諱言，受惠於贈米活動好比「身份的象徵」。
陳婆婆多年來均靠雙手自力更生，年輕時任職家務助理，工作至七十歲，直至僱主移居外地才言休，「我等啲積蓄用晒至拎綜援，我有老人病，每個月啲綜援幾乎拎晒去睇醫生同買藥，有善長送嘅米就唔怕餓親！」對善長的慷慨捐助，婆婆致以無限感激。
滿載關愛 婆婆感激
同樣無飯不歡的黃杏端亦為獨居長者，退休後靠綜援維生，鮮有外出用膳，「出面最平都廿幾蚊一餐，依家啲嘢貴晒，自己煮都要十幾蚊，但就可以分兩餐食！」黃婆婆更道出健康的飲食法則乃「少少菜、少少魚」，間中加點肉，加上控制油鹽分量，平日以清淡為主，以期食得健康。黃婆婆更指綜援金微薄，每月為三餐與生活所需均要量入為出，「有呢啲白米，每月可以幫輕幾廿蚊，仲覺得有人關心我哋，真係多謝晒！」
物輕情意重，每包白米數量雖有限，但卻滿載難以言喻的關愛之情，愈多善長慷慨解囊，將可令更多長者受惠。
捐款編號：16333
愛心回應
年近九旬的葉琼為獨居長者，礙於手腳活動能力欠佳，平日多留在家中，只能透過電視了解天下事。不過，廿載良伴卻於月前變得「有聲冇畫」，令葉婆婆大感惆悵，「我冇錢買過部，周圍咁去搵人整，嗰位先生話部電視咁舊、冇得整㗎喇，上門嚟檢查，整唔到都要收錢架！」
幸在東方日報慈善基金善長協助下，全新電視已送抵葉家，葉婆婆樂道：「部電視好好呀，夠大聲，畫面又夠清，多謝晒啲善長。」礙於地方淺窄，電視要放在高櫃之上，婆婆正努力學習遙控操作，「我老喇，啲手指唔聽使，開頭撳極都冇反應。依家我練熟咗喇，㩒邊台都得。」
葉琼：89歲
求助物品：電視機
捐款編號：10852
記者：莫麗珊、攝影：林永發