人人期望可達到…… 多啦A夢嚟喇！

既要帶畀人歡樂，又要有能力滿足大家嘅奇想同願望，小記第一時間想起兒時最愛嘅卡通角色「叮噹」！（P.S.係喎，應該叫「多啦A夢」先啱，但自細叫慣咗，太親切了，惟有講聲「Sorry」。）

呢隻愛吃豆沙包嘅機械貓，其百寶袋嘅潛能，比起聖誕老人長派長有嘅禮物袋仲要厲害，可以助你實現各種天馬行空嘅願望。今個聖誕想Make a Wish？不如試吓搵「多啦A夢」幫幫手……

現身不同商場

「多啦A夢」一向神通廣大，為迎接聖誕，使出一招分身術，現身多個領匯商場，為大家帶來夢想成真嘅喜悅。重頭項目叫「多啦A夢聖誕法寶體驗館」，將「多啦A夢」嘅法寶搬到現實世界，並設計出7個別出心裁嘅場景，例如黃大仙中心設有「多啦A夢錯視倍增鏡」，利用錯視將商場變成嶄新立體空間；龍翔廣場設有「多啦A夢Ams Room」，顧客不但可與多個《多啦A夢》角色近距離接觸，亦可進入Ams Room拍照，感受法寶放大燈及縮細電筒嘅威力。

走入呢條時光隧道，好似去咗動畫世界一樣，十分搞笑！

難得遇上胖虎與小夫，當然要影番一張合照喇！

首個法寶展覽

至於喺樂富廣場率先揭幕嘅「多啦A夢法寶大典」，除咗可以搵到大家耳熟能詳嘅法寶時光機，更設有一條全新設計嘅時光隧道，配合奇幻燈光效果，讓大家親身體驗「多啦A夢」嘅法寶有幾神奇！

值得一提，同場仲會舉行全港首個「多啦A夢」法寶展覽，展出40件由日本運送來港嘅「多啦A夢」法寶，包括隨意門、記憶麵包、竹蜻蜓等，其中30件更加係首次在香港展出，粉絲又點可以錯過！

時光機 能夠自由來回過去及未來嘅交通工具。	縮小電筒 任何東西只要被電筒嘅光線照射到，就會即時縮小。	迷你多啦A夢 能夠好似真正嘅多啦A夢一樣拎出各種百寶，但所有法寶都會係微型版。
愛神之箭 同丘比特嘅神箭一樣咁犀利，因為中箭者會不知不覺愛上放箭嘅人。	記憶麵包 將想背誦嘅東西印喺麵包上然後吃落肚，便能暢誦如流。

活動詳情

多啦A夢聖誕法寶體驗館

展出日期：即日至12月31日

地點：樂富廣場、頌富廣場、厚德商場、啟田商場、秀茂坪商場、黃大仙中心、龍翔廣場

查詢：3168 0080

主題活動陸續有來

除咗展覽同裝置，領匯旗下指定商場將巡迴舉行「聖誕夢成真」商場活動、「聖誕歌舞劇匯演」以及「聖誕法寶嘉年華」，後者將提供多個大型主題遊戲及攤位遊戲，與眾同樂。顧客凡於指定商場消費滿$300或以上（兩張發票），即可參加「聖誕法寶嘉年華」3大主題遊戲，更有機會贏取多款限定版多啦A夢紀念品。

「聖誕法寶嘉年華」活動詳情

舉行日期 地點

12月4~5日 樂富廣場

12月11~12日 啟田商場

12月19日 龍翔廣場

12月25日 尚德商場、慈雲山中心

12月26日 天瑞商場

12月27日 鯉魚門廣場

註：活動時間為1:00pm~7:00pm

撰文：黎雅麗、鄭國河

攝影：蘇榮基

模特兒：Kana（Talent 100）