影友　龍女　虎豹別墅古蹟潮拍

虎豹別墅近日對外開放，貴為香港一級歷史建築，唔少人都慕名參觀。不過Max同Monna呢對鍾意影相嘅小情侶一入嚟就嗌大交，男嘅話︰「呢度咁有歷史價值，梗係用Nokia N8拍番套720p高清片！」女嘅投訴︰「你掛住影景唔使影我啦！等我仲專登帶埋部摩記Flipout，影完相即刻放上網！」唔使嘈，一於拍片影相又上網，開心玩餐飽。

冧仔︰蔡司廣角影景

男仔玩手機，外形唔講究，最重要畫質。要拍攝萬金油花園，Nokia N8嘅28mm廣角鏡頭就至啱心水，有齊蔡司鏡片、f/2.8大光圈及1,200萬像素，配合Xenon閃光燈，就算入到室內影緬甸壁畫，補光一樣冇問題。

拍攝高清紀錄片

虎豹別墅對於我哋後生一輩，真係冇乜機會入去參觀，難得再度開放，阿Max當然要記低一磚一瓦，這方面N8支援720p高清影片，拍完還可以剪接、加字幕和過場特效，自編自導自演都掂。若嫌個3.5吋芒太細的話，返到屋企仲可透過HDMI將畫面直駁大電視欣賞，大宅氣派便可無限次回味。

內置1,200萬像素蔡司鏡頭，支援28mm廣角及f/2.8大光圈，影景佢最掂！

除了傳統銀、黑兩色，還有搶眼嘅綠、橙及藍選擇。

N8顏色一樣搶眼

別墅有金箔天花，N8顏色一樣咁搶，除了銀白、深灰兩色外，還有綠、橙、藍3隻Sharp爆顏色。至於外殼則為磨沙鋁金屬，機背微微彎曲，手感唔錯。唯一要彈係一體成形，冇得拆殼換電，SIM卡又要從機側插入，要時間適應。

放大圖片

N8支援人臉對焦，成像夠Sharp且膚色自然。還可加入文字或圖案，甚至可幫人極速瘦面，至啱用嚟氹番女友。

N8支援人臉對焦，成像夠Sharp且膚色自然。還可加入文字或圖案，甚至可幫人極速瘦面，至啱用嚟氹番女友。

跟機送HDMI轉插，即駁即出電視畫面。睇番當日片段，畫面靚爆兼冇起格，惟錄音未夠清晰。

跟機送HDMI轉插，即駁即出電視畫面。睇番當日片段，畫面靚爆兼冇起格，惟錄音未夠清晰。

冧女︰袋裝四方果

虎豹別墅糅合中西建築特色，全屋彩色玻璃兼彩繪飛簷，啱晒貪靚嘅女士們。Monna揀摩記Flipout，亦無非貪佢個四方果造型「卡嘩依」，而且尺寸同包紙巾差唔多，袖珍到可放入化妝袋。另外跟機仲有綠、紅、黑及白4色機殼，去豐澤出機仲送限量豹紋殼，同別墅內豹紋裝飾襯到絕！

跟盒送４色機殼，去豐澤出機仲送豹紋及木紋兩款限量版。

倉頡QWERTY鍵盤細細粒，女仔黏咗水晶甲都打到字。

配備300萬像素鏡頭，用來Snapshot自拍剛剛好。

還原大宅光輝色調

女仔鍾意玩自拍，Flipout小巧造型方便Snapshot之餘，最正係300萬像素鏡頭背後有Kodak Perfect Touch幫手，啟動後能自動修正相片亮度及飽和度，就算大宅變咗古蹟都可回復昔日光彩。影完仲可直接掟上Facebook或Picasa等網站分享，同Honey邊拍拖邊Show上網，身邊姐妹仲唔羨慕死！