餐廳撞鬼娃娃嘩！

講一則真人真事畀大家聽，故事發生喺旺角某商場。話說喺某一日，Hemans約埋Barbar去某商場行街買嘢撐枱腳，當時大概係夜晚7、8點，大部分食肆都要排隊等位，就喺兩人餓到肚仔咕咕聲之際，發現咗一間充滿中世紀歐洲色彩嘅餐廳。有乜菜式？唔知。為乜冇人等位？都唔知。更神奇嘅係，兩隻「餓鬼」唔知點解會走咗入去，結果一個笑到「趴」地，一個嚇到傻笑……事件一傳十、十傳百，前來「靈探」嘅人愈來愈多，無人食肆忽然大排長龍，如此詭異嘅餐廳，你敢唔敢去？

古老裝潢有Heart

高達7米、外形如五指鬼爪嘅「娃鬼餐廳」，位於新世紀廣場。鬧市都咁「猛」，絕對有迹可尋，Halloween嘛，一班嘩鬼悶足一年，梗係作反啦！今次以搞餐廳為名玩驚嚇，製作不知幾認真，外觀包裝到好似中世紀歐式建築，「樓面」擺咗一張滿布典雅餐盤嘅長餐枱，淨係呢份格調已足夠引人落疊。

長餐桌只見一隻隻BJD娃娃坐着，難道要以娃娃作晚餐？

小克、王信明（Kenny Wong）等20位著名插畫師以充滿個人風格兼糅合萬聖節元素的Trick Art碟子迷惑訪客，配以牆上集體創作的壁畫，呢間「娃鬼餐廳」玩得都幾有心思。

小克、王信明（Kenny Wong）等20位著名插畫師以充滿個人風格兼糅合萬聖節元素的Trick Art碟子迷惑訪客，配以牆上集體創作的壁畫，呢間「娃鬼餐廳」玩得都幾有心思。

百萬鬼娃娃有Feel

至於入到餐廳又係乜嘢世界？鬼影幢幢，機關重重，已經係意料之內，最特別嘅係，驚嚇過後，可以睇到全港首個以Ball-Jointed Doll（BJD）為主角嘅大型娃娃展，一共有80隻BJD娃娃亮相，分別來自日本、韓國及美國，全部穿上萬聖節服飾，部分娃娃經已絕版，又有部分屬於限量發售珍藏系列，身價總值超過$100萬！

80隻BJD娃娃陪你撞鬼，點止驚嚇咁簡單！	兩女撞鬼實錄走進餐廳，兩女發現自己竟然入咗一部顛簸震動嘅升降機，並傳來卡啦卡啦嘅機動聲音，唔通被困升降機？好驚呀！	踏出升降機，即時入到煉獄火爐，終於都見到「鬼」喇，忍咗咁耐始終都要大嗌一聲：「嘩！」
眨吓眼走到地獄廚房，架上存放着血淋淋嘅「食材」，唔想畀人當晚餐，記得走快兩步。	話口未完，竟然撞正坐鎮「娃鬼餐廳」嘅名廚，幸好對方靈魂出竅未識郁，打完招呼好快啲走喇！	大湯鍋雕上邪惡的南瓜樣子，內裏仲有各式各樣恐怖材料。
去到冰凍嘅冷藏庫，兩女再一次撞「鬼」，Hemans決定反嚇為主。	好戲在後頭，講到最驚嚇絕對係呢一塊魔幻照妖鏡，用上嶄新影像捕捉及處理技術，稍一走近即看到自己面容扭曲，自己嚇自己先係最恐怖！