TV Superstars扮明星 跳舞主持瓣瓣精

PS3新一代體感遊戲9月15日開始殺到，網上見人拎住碌PS Move波波棍做運動格劍就見得多，揸住佢扮明星玩Party Game就第一次見。在《TV Superstars》新遊戲內，玩家唔單止可以Fing咪做歌手騷台風，閒時還能上節目玩遊戲和教煮餸，一個唔覺意接埋廣告更加人氣爆燈，畀各位過足明星癮。
體感套裝包括PS Move控制器、PS Eye鏡頭及一款指定遊戲。售價：$699、推出日期：9月15日
體感套裝包括PS Move控制器、PS Eye鏡頭及一款指定遊戲。售價：$699、推出日期：9月15日

巨聲表演講台風

成日睇「巨聲幫」唱到七情上面，緊張到小記都想參加埋一份。雖然巿面有不少扮明星遊戲，可惜就算Wii都係得卡通Avatar見唔到真樣，因此《TV Superstars》特別利用PS Eye鏡頭，拍低玩家表情Key入角色度，睇住自己上台肯定更投入。當中Frock Star遊戲就類似巨聲節目，拎住PS Move當咪，跟隨節拍郁來郁去騷台風，愈高分自然人氣愈勁，獲取不同物品和廣告合約。

綜藝節目玩遊戲

除了唱歌之外，閒時仲可上綜藝節目玩遊戲，咪以為係獎門人食芥辣爆波波咁簡單，在Let's Get Physical入面，玩家身處巨轆之上，要狂Fing支PS Move跑步跳過障礙物，過完呢關仲要做空中飛人，對準目標加上指定動作飛埋去，動作愈似就愈高人氣，刺激程度勁過《筋肉擂台》，開住冷氣都隨時玩到成身汗。

站在巨轆之上狂Fing支PS Move便會加速，定時需跳過障礙物拿取高分數。
  • 站在巨轆之上狂Fing支PS Move便會加速，定時需跳過障礙物拿取高分數。
上綜藝節目做空中飛人射向目標之餘，仲要擺動PS Move調校動作和角度。
  • 上綜藝節目做空中飛人射向目標之餘，仲要擺動PS Move調校動作和角度。

3款Mini Games做騷

最正係另有3款不同類型的活動，等你呢位大明星參加，當中Big Beat Kitchen就係上去乜太教煮餸，第一版煮Pancake都幾高難度，拎住支PS Move好似《Cooking Mama》咁打蛋搓麵粉，煮到一半仲要同大廚齊齊Rap，師奶殺手李錦聯都要行埋一邊。

唔講仲以為玩緊《Cooking Mama》，Big Beat Kitchen操控和玩法都與Wii相似。
  • 唔講仲以為玩緊《Cooking Mama》，Big Beat Kitchen操控和玩法都與Wii相似。
最搞笑是煮到一半要跟住大廚Rap，按指示左右郁煮嘢，充滿外國節目風格。
  • 最搞笑是煮到一半要跟住大廚Rap，按指示左右郁煮嘢，充滿外國節目風格。

另一隻D.I.Y. Raw則要裝修屋企，由鑿牆、鋸木、噴漆到布置家居等都要落手落腳做，限時內完成得愈多就愈高分，儲夠相當人氣和道具，就能於Super Television Acting Agency接拍廣告，小記玩咗成個鐘先接到個洗潔精廣告，跟住導演指示郁來郁去就搞掂，做代言人真係幾好賺。

D.I.Y. Raw裝修屋企時，大至鑿牆鋸木、小至油漆噴畫，全部都要親力親為。
  • D.I.Y. Raw裝修屋企時，大至鑿牆鋸木、小至油漆噴畫，全部都要親力親為。
見到視帝都係拍清潔用品廣告，小記第一個廣告接咗洗潔精，都算交足功課。
  • 見到視帝都係拍清潔用品廣告，小記第一個廣告接咗洗潔精，都算交足功課。
玩之前記得用PS Eye拍低自己個樣，再襯埋膚色髮型，遊戲時便能看到不同表情。
  • 玩之前記得用PS Eye拍低自己個樣，再襯埋膚色髮型，遊戲時便能看到不同表情。
唱得唔好唔緊要，做Rock友最緊要有台型，拎住PS Move當咪，跟住郁包保高分。
  • 唱得唔好唔緊要，做Rock友最緊要有台型，拎住PS Move當咪，跟住郁包保高分。

遊戲資料

類 型：Party Game

開 發：Cambridge Studios

平 台：PS3

售 價：待定

遊戲人數：1~4人

推出日期：2010年10月

撰文 ：鍾鎮科　攝影 ：蘇榮基

查詢電話 ：2341 2356