層層疊日式芭菲

名廚主理靚甜品

看店子取名「金寶甜品」，即有幾分面熟，原來是鼎鼎有名「金寶泰國菜館」的新搞作，棄泰菜而轉攻甜品。店主表示早前到日本公幹，發現當地人非常愛食芭菲，而有感本地缺少芭菲專門店，想試試本地食客反應。雖是甜品新丁，但店子樣樣做足100分，像用上日本進口的高級雪糕：內有雲呢拿籽的雲呢拿雪糕、含果肉的杧果雪糕及士多啤梨雪糕等，入口滑一滑，味道濃郁。

傳統芭菲的配搭離不開水果、忌廉、軟雪糕、丸子及蛋糕等，店子為了迎合食客口味，除傳統款式外，亦加添很多新「煮」意，例如請來前Cova甜品廚炮製拿手甜品，包括芝士蛋糕、Tiramisu及拿破崙餅等，另有自製果凍、布甸及脆餅等，將之層層疊成巨型芭菲杯，叫人食得開心。

紐約芝士蛋糕芭菲　$42 大廚拿手的芝士餅，配上自製清酒車厘子汁，味道調得剛好，另有粟米片、清蛋糕及雪糕等，其中雪糕用上日本貨，口味可選士多啤梨、杧果、抹茶、芝麻或雲呢拿。	沖繩黑糖3.6牛乳芭菲 $42 近年3.6牛乳大熱，連芭菲杯都有佢份！食時淋上黑糖，還有煙韌珍珠，口感很豐富。	杧果班戟配雪糕　$34 芭菲以外，店子亦供應多款甜品及特飲。這款班戟便包着滿滿的杧果肉，特選泰國香甜的杧果，特別滋味。
紫番薯芭菲　$42 同樣是店子的自創口味，紫番薯蓉甜甜的，入口細滑，不妨一啖舀起，連雪糕、粟米片及蛋糕等放入口。	栗蓉紅茶凍芭菲　$42 屬新創作口味，用上英國伯爵紅茶做果凍，味道香濃、彈牙，還有忌廉、蛋糕及雪糕等，雪糕外層還特地唧上細綿栗子蓉，增添美味。	店子布置舒服、坐得闊落，還播放日本流行曲，很貼題。

同場加映：泰越式食品店

毗連芭菲店的，有同樣屬「金寶泰國菜館」的「金寶泰越廚房」，這雜貨店既有來自越南、泰國的食品雜貨，亦有一系列金寶自家出品的醬汁、即食食品及飲品等，非常多元化，以後在家都可輕鬆煮出正宗味道啦！

查詢電話：2383 0038

冬蔭功湯包　$30（4人份） 湯包內有齊香茅、南薑、草菇及秘製湯膽等，煮時只要另加鮮蝦、番茄及四碗清水，即時有靚湯飲。

左起：燒雞汁$38、炸蝦餅醬$30 由餐廳自家出品，用來蘸點食物，風味十足。

撰文：楊淑英

攝影：盧展程

模特兒：Burmie W.（Omni Model）