華叔肝病 再求援藥費
「我唔怕死，只係最擔心阿媽同細佬冇人照顧。」五十一歲的龔炳華患有乙型肝炎，因無力繳付每月約二千元藥費，令肝臟一度有硬化迹象，醫生曾警告倘延誤治療或會變成肝癌。華叔因無計可施而向東方日報慈善基金求助，並獲善長捐款逾三萬五千元。惟因長期治療令善款用罄在即，亟待善長再次施援，擺脫斷藥危機。
眼前的華叔體格尚算矯健，實質卻百病纏身！華叔除受乙型肝炎及高血壓等病患困擾外，亦因骨質問題經常「甩骹、骨裂」，嚴重影響工作，「我以前做廚師，有次喺廚房跣倒撞傷啲骨，之後就做唔到嘢！」醫生更於年前證實華叔肝病有惡化迹象，需透過藥物抑壓病毒增生，但每月藥費卻需近二千元。
「怕阿媽細佬冇人照顧」
依靠綜援金維生的華叔每月須省吃儉用，「唔食、唔用都唔夠畀藥費」，但仍需每天奔走醫院及護養院，侍候有長期病患的高齡母親及半身癱瘓的胞弟，「我有病點辛苦都捱得到，最怕冇人照顧阿媽同細佬。」華叔會「煲住家湯」或買外賣飯盒往探望家人，而為省回外賣飯盒收費，華叔每次都會自攜飯盒，務求「慳得一蚊得一蚊」。
過去一年多以來，華叔在善長的協助之下，得以服用抵抗乙型肝炎病毒的自費藥物Entecavir，減輕肝臟發炎及繼續硬化情況，「依家有藥食，唔會好似之前咁，行一陣就要坐喺度抖。」
然而，因善款已所剩無幾，華叔再次面對斷藥困局，「醫生話一停藥，啲肝炎病毒就會活躍番」，華叔希望善長可繼續伸出援手，令病情受控。
捐款編號：11657
記者 莫麗珊