無線連接LE8500上網打機都掂

今年電視界有兩大潮流，最矚目當然係3D，而另外一樣就係內置無線影音傳送技術。LG LE8500採用Wireless AV Link無線影音網絡技術，連接如藍光影碟機等影音器材唔使再拖線咁麻煩；電視還內置Netcast睇YouTube以及用Magic Motion Remote玩內置體感遊戲，唔睇電視或藍光影碟，都一樣有嘢玩！
售價：$20,800（42吋）$26,800（47吋）$46,800（55吋）
售價：$20,800（42吋）$26,800（47吋）$46,800（55吋）

Wireless AV Link自動無線連接

LE8500採用Borderless設計，外形討好，而且機身造得相當薄，如42吋型號的厚度只有34.5mm，掛牆最適合。但若要平面電視機掛牆擺放，最麻煩係拉線問題，更破壞觀感，LE8500加入的Wireless AV Link無線影音網絡技術就能解決問題，如藍光影碟機以及其他影音設備，只需要接上Media Box便可，毋須拉線至電視機，減省好多不必要的工夫。Media Box要即時傳輸咁大量資料去電視，夠唔夠穩定？LG Wireless AV Link無線傳輸頻寬高達54Mbps，即使無線播放Blu-ray影碟亦冇窒格，而且Plug and Play就可使用，不用作任何設定，非常方便。

雖然不少接駁端子都放在Media Box上，但機背仍設有HDMI端子。
  • 雖然不少接駁端子都放在Media Box上，但機背仍設有HDMI端子。
藍光影碟機接駁在Media Box之上，經無線網絡接上電視。
  • 藍光影碟機接駁在Media Box之上，經無線網絡接上電視。
無線接收器體積小巧，可貼附在電視機背。
  • 無線接收器體積小巧，可貼附在電視機背。
機身纖薄，42吋型號只厚34.5mm。
  • 機身纖薄，42吋型號只厚34.5mm。

Full LED Slim技術層次感更強

LE8500畫面質素有高水準表現，主要歸功於Full LED Slim背光技術。此技術將屏幕劃分做多個區域，然後獨立調控每個部分開關，可令光暗分布得更仔細更均勻，將LE8500的動態對比度提升到9,000,000:1，營造出更強層次感外，亦比起傳統Edge LED背光技術更慳電。LE8500的動態畫面表現突出，尤其在睇賽車及跳舞動作的示範片時甚為流暢，功勞歸於TruMotion 200Hz影像流暢技術，唔再見到殘影。

機身採用熱藏式功能鍵，按着時才會亮燈。
  • 機身採用熱藏式功能鍵，按着時才會亮燈。
支援TruMotion 200Hz影像流暢技術，播少女時代MV可見到流暢的舞姿。
  • 支援TruMotion 200Hz影像流暢技術，播少女時代MV可見到流暢的舞姿。

內置10款體感小遊戲

除出色畫質同良好的連接性之外，Internet TV亦係唔少用家考慮買新機的元素。LE8500提供Netcast服務，可以連上YouTube睇片、Picasa瀏覽網上相簿以及Accu Weather睇天氣資料，亦可接上鏡頭玩Skype，用電視的大畫面同朋友傾偈。LE8500還收錄多款一般電視機都冇的小遊戲，可用附設的特別體感遙控器Magic Motion Remote操作，玩法跟Wii差唔多，畀小朋友玩就最啱。

一按電視遙控器上的Netcast按鈕，即可進入Netcast睇YouTube片。
  • 一按電視遙控器上的Netcast按鈕，即可進入Netcast睇YouTube片。
LE8500內置多款迷你遊戲，可使用Magic Motion Remote操作。
  • LE8500內置多款迷你遊戲，可使用Magic Motion Remote操作。
除了連接YouTube睇片，亦可靠Netcast功能睇天氣及網上相簿。
  • 除了連接YouTube睇片，亦可靠Netcast功能睇天氣及網上相簿。

規格表

尺寸：42吋、47吋、55吋

顯示屏：Full LED Slim背光技術

顯示解像度：1,920×1,080

動態對比度：9,000,000:1

HDMI端子：4組

撰文：布偉倫

攝影：梁偉德、布偉倫

查詢電話：3543 7777