試想想，如果只可以淨食一棵菜、一碗飯、一片麵包，會係幾咁乏味？但只要有調味料，就可以變出多種味道，吸引大家去品嘗。今屆美食節就有唔少特別醬料，集齊甜酸辣鹹味道，其中以牙膏形茄膏最得意，輕輕一唧就得，以後唔使再爆茄汁樽啦！
成日話「人生五味紛陳」，即係嘗盡甜酸苦辣鹹。雖然，現實中的調味品未必有苦味，但以下就有甜酸辣鹹醬料推介畀大家：甜代表不得不提果醬，既有意大利新登場的骰產品，亦有公平貿易腰果醬，塗麵包餅乾一樣好食。酸代表當然要數以鮮茄炮製的茄膏，牙膏形賣相的搶鏡度，絕不比味道遜色。
那邊廂，向來辣辣的XO醬有名廚Jacky Yu主理，配搭三文魚夠新意，而香辣蟹肉醬及XO蟹肉醬亦鮮味十足。鹹味多多的豉油、老抽，今年分別加入陳皮、綠茶及普洱茶釀造，別具風味，咁多好介紹，一於出力掃貨啦！
雅品牌雙倍濃縮茄膏
用上新鮮番茄炮製，牙膏形設計一唧即用，非常方便，味道特別香濃。
曼嘉牌優質天然果醬（289g）
意大利出品，蘊含40%~50%水果果肉，不含防腐劑、人造色素及香科，好味健康，並有多款水果口味可選。
公平貿易腰果醬
以越南腰果炮製，不妨直接塗麵包餅乾，或加入黑糖沖泡成腰果糊，配搭新鮮口味。
日本沖繩粗黑糖
黑糖風味獨特，愈來愈受大家歡迎，當然以沖繩出品最為優質，味道香醇。
烘焙金芝麻醬（花生果仁）
百分百以極級金芝麻製造，味道、質感比一般的更優勝，不妨用作沙律醬汁，或是蘸炸物品嘗，感受其濃香味道。
囍宴「三文魚XO醬」
名廚Jacky Yu創意十足，將三文魚配搭XO醬，香辣之餘帶點魚香，而其他新品「金蠔XO醬」及「沙爹XO醬」亦令人驚喜。
口水雞麻辣油
同樣是Jacky Yu的「名作」，平日專門炮製口水雞，但以其麻香惹味，用來撈麵送飯即時生色不少。
香辣蟹肉醬（左）、XO蟹肉醬（右）
蟹肉醬坊間少見，這裏就有香辣及XO兩款，一打開即香氣撲鼻，味道鮮甜，每次只需少許來調味就夠。
公平貿易天然海鹽
海鹽蘊含豐富礦物質，無論是用來煮食或醃味，均可帶出食物鮮味。
李錦記陳皮生抽
當陳皮結合生抽，原來會有陣陣柑桔清香，入口酸甜微甘，用來蘸點牛肉最好食。
李錦記茶香老抽
色澤紅潤，豉味香濃，更添加綠茶及普洱茶香，色香味皆誘人。
2倍濃縮昆布湯汁（左）、滋優鮮露（鰹魚）（右）
前者以昆布湯汁配合冬菇、鰹魚湯及雞湯熬製，成為2倍濃縮湯汁；後者糅合鰹魚湯汁及香味湯汁，兩款湯汁伴食冷麵一流。
撰文：楊淑英 攝影：譚建章、陳富權、胡淑儀、盧展程
模特兒：Kiyo W（Omni Model）