PIXMA MG5270 高清片逐格印！

一聽到打印機，自不然會諗起印相，但原來影片都可以印出來！Canon PIXMA MG5270多合一打印機率先引入「Full HD Movie Print」功能，只要係由Canon相機攝錄的MOV高清短片，無論是拍片單反550D、5D Mark Ⅱ等，又或是G11、IXUS 210等機仔，都可將影片逐格印成靚相，下次有人同你講「印片」唔好以為Copy緊老翻。
售價：$1,288
售價：$1,288

撰文：鍾鎮科 攝影：梁偉德 查詢電話：3191 2333

全高清最大印A4

潮流興玩高清拍片，不少新款相機都加入720p或1,080p攝錄功能，有時錄到趣怪影像想與好友分享，唔通要隨身帶部Notebook或PMP出街？因此Canon想到利用《Zoom Browser EX》及《Solution Menu Ex》軟件，將影片擷取成最高1,920×1,080解像度，再將前後幾格Frame計算插值，列印成A4、4R等相片，還可定時作分段截圖索引，以後拍緊片都唔怕走甩靚相。

只需按「Movie Print」便可瀏覽MOV影片，再轉成1,920×1,080影像列印。
  • 只需按「Movie Print」便可瀏覽MOV影片，再轉成1,920×1,080影像列印。
《Solution Menu Ex》簡單一個介面便可印製相片、日曆等，連Movie都印到。
  • 《Solution Menu Ex》簡單一個介面便可印製相片、日曆等，連Movie都印到。

iPhone、Android無線印相

對於唔鍾意拎相機的用家，PIXMA MG5270還附有手機Wi-Fi印相功能，只要在iPhone或Android手機預先安裝「Canon iEPP」免費App，便可將手機拍攝的靚相無線打印出來。即場試用iPhone「Lomo」App影模特兒，然後經Wi-Fi印4R簽名留念，整個打印過程連埋無線過相都唔使一分鐘，隨時快過寶麗來即影即有。

新系列PIXMA改用鋼琴盒形機身，打印時「Magic Door」出紙位會自動彈出。
  • 新系列PIXMA改用鋼琴盒形機身，打印時「Magic Door」出紙位會自動彈出。
全新設計的快速按鈕和360度轉盤，選擇時仲識得着燈，比上代操控更方便。
  • 全新設計的快速按鈕和360度轉盤，選擇時仲識得着燈，比上代操控更方便。
手機安裝「Canon iEPP」免費App後便可無線連接打印機，選擇打印質素。
  • 手機安裝「Canon iEPP」免費App後便可無線連接打印機，選擇打印質素。

多合一創意打印及服務

雖說PIXMA MG5270屬多合一打印機，但機身採用1微微升5色獨立墨盒，印相畫質已達9,600×2,400dpi專業級數，支援「Auto Photo Fix Ⅱ」自動相片修正等技術。Canon更特別為新機設計Creative Park Premium創意打印網頁，印製名家設計的賀卡、年曆和立體玩意。

在手機篤一篤「Print」掣，唔使一分鐘印出4R靚相，最大印A4都掂。
  • 在手機篤一篤「Print」掣，唔使一分鐘印出4R靚相，最大印A4都掂。
內置多合一插卡及USB Pictbridge功能，唔使經電腦都可直印靚相。
  • 內置多合一插卡及USB Pictbridge功能，唔使經電腦都可直印靚相。
可揭式2.4吋彩色LCD雖然唔算大，但每次可預覽9格相片及作趣味打印都夠用。
  • 可揭式2.4吋彩色LCD雖然唔算大，但每次可預覽9格相片及作趣味打印都夠用。

值得一提是Canon現提供上門收送服務，在保養期內打個電話便有人上來收機，整完再送番畀你；訂購墨水、相紙等耗材滿$100，早上落單、下午送到，啱晒我呢啲懶人。

5色獨立墨盒解像度達9,600×2,400dpi，打印A4彩色文件，平均每張成本只是$0.92。
  • 5色獨立墨盒解像度達9,600×2,400dpi，打印A4彩色文件，平均每張成本只是$0.92。
Creative Park Premium網站提供賀卡、年曆和立體玩意自行打印。<BR>網址：www.canon.com.hk/creativepark
  • Creative Park Premium網站提供賀卡、年曆和立體玩意自行打印。
    網址：www.canon.com.hk/creativepark

規格表

打印技術：1微微升5色FINE噴墨

解像度：9,600×2,400dpi

打印速度：文件每分鐘11頁（黑白）、9.3頁（彩色）；相片20秒（4×6吋）、43秒（A4）

掃描速度：約17秒（A4彩色）

顯示屏：2.4吋彩色LCD

介　　面：USB 2.0、Wi-Fi、Pictbridge

體　　積：455×368×160mm

重　　量：8.1kg