Mazda2 1.3 Max至啱Shopping精

女仔揀車的準則，往往跟男孩子不同，馬力和操控都是次要考慮，反而造型可愛、易揸又慳油嘅車仔，先討得女士們歡心。以Mazda2 1.3 Max為例，渾圓車身唔單只夠Cutie，最重要係油耗可低至23km/L，計落只係$0.63/km，加上五門揭背設計方便存放物件，一隻手挽手袋，另一隻手開尾門擺放戰利品也相當Easy！

售價：$139,990

環保車我鍾意！

精打細算係好多女士的寫照，買車當然應慳得慳，Ceci就睇中Mazda2 1.3 Max，貪佢屬環保私家車稅務寬減計劃一分子，可享30%汽車首次登記稅減免，慳咗嗰$11,806夠買半年化妝品或名牌手袋。再睇Mazda2 1.3 Max的體積跟1.5公升版無異，長、闊度只有3.895×1.695米，加上尾泵把整合了泊車感應，倒車泊位毫無難度。另外，駕駛席還可作多角度調校，可輕易找到合適位置，身材嬌小的女士也毋須攝咕臣墊背脊。

放大圖片

太陽擋整合了化妝鏡，時刻都可以最佳狀態示人。

車身內外都散發着青春氣息！<br>精明女Tips：揀環保車，車價平咗，慳番啲錢夠掃貨啦！

車身內外都散發着青春氣息！
精明女Tips：揀環保車，車價平咗，慳番啲錢夠掃貨啦！

放到好多戰利品呀！

Ceci閒時愛與老友行街Shopping，所以特別重視載物量。相對於一般三廂式房車，揭背車的優點是載物空間大，而且提取物件容易，Mazda2同樣有這種特性，在油壓臂的輔助下，毋須九牛二虎之力便可將尾門打開，而且可放平後排座椅來提升載物空間，Shopping完夠晒位放戰利品。另外，Mazda2雖然車仔細細，但內櫳卻非常闊落，仲有柔軟舒適的絨料座椅。而車身內外都運用了不少圓渾線條，好似白底錶板、波棍台以至冷氣送風口等，散發出的年輕氣息，跟好動的陽光少女特別夾。

車尾載物空間不錯，可同時放下多個購物袋。<br>精明女Tips：揭背車放嘢拎嘢特別容易！

車尾載物空間不錯，可同時放下多個購物袋。
精明女Tips：揭背車放嘢拎嘢特別容易！

首飾箱可放下便攜化妝袋。

後排也有寬敞空間，以小車來說已很不錯。

內外速覽

在港出售的Mazda2有1.5公升及1.3公升版，但只有後者才可享環保優惠，其1.3公升S-VT引擎可輸出90匹馬力，最大扭力則為12.2kgm。由於引擎體積較小，Mazda2 1.3 Max的車重只有1,000kg，在10.15模式下造出23km/L的超低油耗，以油缸容量43公升來計算，續航力可達989km，對於Holiday Driver而言，一缸油隨時夠用兩個月！原廠指出，Mazda2的車身結構用上高拉力鋼鑄造，而且獲得EuroNCAP成人防護測試的最高五星評級，安全性毋庸置疑。

白底圓形錶板清晰易讀，設計蠻可愛呢！	引擎耗油量低，每公升油可走23公里。	原廠配上15吋輪圈，輪胎尺碼為185/55 R15。
車廂設計運用了不少圓渾線條，頗有年輕氣息。