咪神空降 iPhone遙控直升機

書展周三開鑼，貿發局要把o靚模踢出局，不過浸大咪神Carol揚言有方法「胸」降會場。只是未玩「胸」降，先來「空」降，說的是Parrot全新Wi-Fi遙控直升機AR.Drone，透過iPhone就能升降、盤旋兼高速飛行，而且仲有室內、室外兩個形態，呢鋪唔玩浮波都引死宅男！

售價︰$2,299

體感直覺操控

傳統遙控飛機飛行原理跟真飛機相同，又要控制升降舵，又要控制油門同副翼，少啲經驗都玩唔掂。相反這部AR.Drone就簡單得多，只要在iPhone內安裝《AR.Free Flight》程式，再經Wi-Fi便控制得到。畫面設有兩邊虛擬按鍵，左邊控制方向，右邊則控制升降及盤旋，玩法同打機差唔多；若想再簡單啲，可以開啟AS體感模式，透過擺動機身來控制方向，例如右傾iPhone就飛向右邊，直覺操作，連零經驗嘅Carol玩一陣都完全上手。

iPhone控制咁鬼易，睇我飛到幾高！（設計對白）

透過iPhone遙控，右手控制升降，左手負責方向，打機都冇咁易！

用一般模型飛機的鋰電池推動，但容量只有1,000mAH，充個半鐘先玩得12分鐘，所以玩時最好帶多舊後備電。

用一般模型飛機的鋰電池推動，但容量只有1,000mAH，充個半鐘先玩得12分鐘，所以玩時最好帶多舊後備電。

影像實時串流

操作簡單，但結構卻甚為精密，機身由機艙及4個螺旋槳組成，後者由無刷馬達輸出馬力，效率及壽命都比常見碳刷馬達為佳。而為支援體感操作，它還內置了三軸加速器、雙陀儀及468MHz處理器等精密零件，比一般模型飛機「聰明」得多。另外，不得不提其雙向鏡頭，一組設於機頭，用以把影像實時串流到iPhone屏幕上，令玩家猶如坐上駕駛艙，方便掟彎避開障礙物；另一組則在機底，連接慣性測量單位以保持機身穩定，並可抵銷風速干擾，保證幾大風都唔會直墜維港。速度及高度係佢最大敗筆，時速僅有18公里，爬升高度亦只有6米，但既然專為室內及城市飛行而設，這規格反而玩得更安全。