星級形象指導Ricky（郭慶彬）向來緊貼潮流，佢經常出埠到日本同歐美等地搜羅唔同潮物，而最近竟然畀佢買到Mercibeaucoup iPhone電話套，個電話套係以熊貓造型，趣致可人得十分討人喜愛，難怪香港未有得賣，個waiting list就水蛇春咁長！就算有得賣都只係限售一百個，真係有錢都未必買到。
向來係Mercibeaucoup超級粉絲嘅Ricky更大讚個電話套防水又唔跣手，而且膠套亦較為厚身，有防震作用，就算跌落地都唔驚咁話，不過佢認為最重要係：「個電話套設計好低調，唔會大大個Mercibeaucoup字眼，幾好！」