豪仔盼獲電腦做功課

豪仔自小已因大腦麻痹而身體殘障，六年前更因父母相繼去世而頓失依靠，「阿爸阿媽以前好錫我，好多嘢都幫我諗好晒，依家佢哋唔喺度，我就要為自己打算。」孑然一身的豪仔獲安排入讀特殊學校後，一直居於宿舍。今年九月豪仔便踏入二十一歲，經過六年努力，現時已就讀中二課程，希望日後能靠自己的能力賺取生活。

「點慳都冇辦法買到」

「我雖然有殘障，人生嘅路比其他人行得辛苦，但我都好想靠自己搵到條路，自食其力。」由於豪仔天生視覺感知薄弱，書寫速度較慢，需靠電腦學習及交功課，學校宿舍現有兩部電腦原供學員使用，但因使用者眾，每日需等候多時才能使用，「每日得幾個鐘做功課，好多人都要用電腦，我又用得慢，搞到成日都做唔切啲功課。」

協助豪仔進行職前訓練的職業治療師余姑娘指出，豪仔明年九月便完成課程離校，倘有電腦「傍身」將有助接受職前訓練，「佢打算搵工自立，所以我哋依家都教緊佢學電腦，方便第時搵工。」

豪仔希望能擁有一部屬於自己的手提電腦，方便學習並為未來的工作做好準備，可惜卻囿於經濟致未能如願，「我每個月嘅綜援啱啱夠生活，要買電腦就要幾千蚊，點慳都冇辦法買到！」豪仔能否克服前面的難關，將有賴善長慷慨解囊紓困。

捐款編號：11921

記者：梁少儀