樂基兒唔生住湊大B
早前樂基兒（Gaile）曾言生育不會是太遙遠的事，不過經金句王老公黎明（Leon）近日親自「更正」，講明生育不能強行，Gaile昨日亦一改口風，不敢透露現在是否設防中，以及不肯交代生育時間表，反而表示會照顧老公旗下的藝人當湊baby。不生B，改湊大B，Gaile的確愛屋及烏！
以一襲Pinko白色tube dress配YSL金色高跟鞋的Gaile，昨日以代言人身份於九龍灣德福廣場出席「Neutrogena x 樂基兒升級版深層美白修護面膜」記招時，宣布第三年續約並播放新一輯廣告片。問她有否替老公敷面膜或擠暗瘡，她說：「佢本身皮膚好好，仲好過我，佢唔貪靚。」
剛與母親歐遊兩星期的Gaile，表示此行十分好玩，但冇老公黎明份。她說：「以前返美國探親都見好多親戚，好少時間同媽咪一齊，呢個trip只得我同媽咪，加上係媽咪生日，所以我送咗呢個旅行畀佢。」
是否設防唔想答
問到會否送外孫給母親時，Gaile即說：「唔清楚，成日問我呢個問題我好難答，遲啲先算。（呢兩年唔會生？）冇話諗定冇諗。（Leon早前話唔生仔住？）係呀，依家未有。（Leon喜歡小朋友？）佢好有愛心，咩都鍾意。」她更以搖頭表示未有生育計劃，至於是否代表現在設防中，她即說：「呢個問題太私人，唔方便答。（你心急做媽咪？）答咗好多呢啲問題，唔想再答，sorry。」
唔偏心個個都錫
另外，近年替黎明旗下藝人包括Janice Man及JW作Styling工作的Gaile，表示自己對Styling有興趣，她說：「我覺得A Music個個都好靚，（支持JW？）會支持，佢當然有potential，佢唱歌好好聽，對呢行又有passion。（你考慮簽師妹？）暫時冇，我已經有四、五個，我好似家姐咁照顧佢哋先，佢哋好似baby咁。（錫JW定Janice Man多啲？）我份人好公平，個個都錫，唔會偏心，希望個個都開心。」
文：名人組