朋友Mail咗一段短片給我，片名叫《希特拉都取消唔到××合約》……睇落好搞鬼的。
片段開始是納粹最高層的軍事會議，氣氛凝重……司令官說：「我哋已經召集200多名受影響的用戶，圍繞××總部大樓，進行示威，有機會就突入資料室，強行取消我哋嘅上網戶口。」
希特拉沉鬱地說：「唔止上網，仲有我嘅電視戶口。」
司令官說：「你真係決定唔打多一次去客戶服務熱線？呢次可能會有人聽。」
希特拉滿面愁容，用悲哀微弱的語調說：「出一出去。」會議室走了一半人。
希特拉馬上變面，拍枱咆哮……「打打打！仲打唔夠呀？等半個幾鐘都冇人應！申請就鬼咁快！我申請第二日，就話冇英超睇！又話送機頂盒！第二日睇番張單！扣咗我幾百蚊！」
副官答：「我幫你打電話問咗。」
「你唔早啲同我講？係乜一回事？」
「佢話唔包師傅嘅安裝費……」
「仲有上網！Load又Load得慢過人？一日最少斷一次線……你哋同我殺入××總部！同我取消戶口！再唔得！就叫佢老闆出嚟！等我兜口兜面咁同佢講！我真係好想解約……一定有辦法可以解約，如果呢一次我哋解唔到約，就玩完。就算約滿，都會自動續約，簽一份，就跟你一世，戶口不斷扣錢……我真係好後悔。」
呵呵，短片道盡和大公司解約的辛酸……好搞鬼。
註冊女中醫