四川烤全魚愈辣愈想食

8味烤全魚 有辣有唔辣

新店叫「修哥魚鍋烤魚店」，店主修哥就是李修賢，話說某次修哥到重慶拍戲，見到成條街都開滿烤全魚店，嘗過後覺得好好味，於是返港後便決意開店。

其實這店是「巴蜀烤魚」的第四間分店，總店在紅磡，這次選在北角開店，原因附近沒有這一類型食店，而且北角區有學校又有寫字樓，因此中午有很多學生及OL來用餐，下午及晚市就做附近的街坊生意，所以全日任何時段都人流不絕，繁忙時間還大排長龍添。這裏的招牌菜不用多講，就是川式烤全魚，魚款只選用黑草鯇，師傅每朝會到街市取貨，平均每條二至三斤重，經過師傅的醃製及烹調，烤魚肉厚鮮嫩，且沒半點泥味。店內一共有八款口味的烤全魚，當中五款辣三款不辣，修哥說︰「有辣有唔辣，辣味又分小、中、大辣，咁先可以照顧到大眾的需要。」而另一招牌菜口水雞，每日限賣廿隻，雞肉香滑，辣得夠惹味，好多時一到下午便沽清，拍攝當日剛好連最後一份都賣出，小記連雞骨都看不到，所以想食就要預早Order。

香辣味烤全魚$138/大邊 黑草鯇雖然多骨，但骨粗易去除，肉質鮮甜軟滑啖啖肉，客人可自選配菜，如芽菜、大葱、金菇等等，吸收秘製的香辣湯汁，夠惹味。	蒜泥白肉 $28 師傅細心地將青瓜捲入肉內，讓大家可以一口一件，配以傳統的醬汁伴食，香辣惹味。	大魚頭湯米線 $45 魚頭米線在坊間比較少見，魚頭開邊上，難得香滑不腥，魚湯就以過百斤魚熬製，色白鮮甜，兼零味精，多飲皮膚都靚啲。

無味精美肌魚湯

不得不提這裏的魚湯底，師傅每朝6點回來，以過百斤魚熬製魚湯，早、午各熬一次，魚湯雪白香濃，入口鮮甜，帶少許香辛味，師傅更堅持不加味精，所以多飲有益健康，且魚湯有美容護膚的功效，多飲皮膚都滑啲。此外，新店還加入數款串燒及小食，如蒜泥白肉、芥香木耳、涼伴青瓜等等。修哥表示，他不喜歡獨沽一味只賣傳統菜式，故經常與廚師商量設計新菜式︰「總之好食嘅嘢就會放入餐牌。」而修哥剛構思了幾道新菜，包括一口麵（四川小麵）、懷舊炸三寶（炸番薯、炸鮮奶及炸香蕉）、金菇鴨胸卷等等，將於月底推出，令人非常期待。

雞、羊、元貝串燒 各$10 以孜然粉加上自家製醬料燒烤，孜然粉夠香，用來送啤酒就最Good。	芥香木耳 $20 選用野生木耳，口感更爽脆，除了基本的醋及麻油，師傅還特別加入Wasabi汁，但只聞其香而不會嗆鼻，加上木耳有降血壓及通血管的功效，好味又健康。	涼拌青瓜（前）涼拌萵筍（後） 各$18 青瓜原條切上，不拍扁，可保留汁液，更爽甜美味；而萵筍是油麥菜的根部，味清甘甜，爽滑無渣。

撰文︰施明銘

攝影︰譚健章

查詢電話︰2806 0288