趙嘉懿囝囝晚晚開talk
模特兒趙嘉懿（Carrie）早前誕下兒子，兒子現時六個星期大，眼仔碌碌，樣子十分精靈趣致，Carrie笑指囝囝是她與老公的混合版，她說：「佢對眼好大，好似我老公，但瞇眼時眼睛好長，好似我。」她已為BB改名，中文名叫黃弘智，英文名叫Marcus。初為人母的Carrie直言BB並不易湊，她說：「佢好黐人，因為我哋成日抱佢，一放佢落床，佢就大喊。每晚十一點，大人最攰嘅時候，佢就最精神，要我哋陪佢傾偈，佢鍾意講嘢又好大力。我哋四個大人湊佢一個都搞唔掂。」
另外，Carrie亦已計劃復工，努力搵奶粉錢，現在已差不多完全收身，她表示：「我生B時重150磅，依家128磅，我覺得身形完全可以，只係差個肚腩仔，我要努力做運動，預計六月尾就開始工作。」