數周前，老公告之欲參與朋友的行山活動，他說：「今次行程比較輕鬆，路線是麥理浩徑第二段倒行，從北潭凹起步，經赤徑、鹹田、大浪西，出西灣亭坐車離開，4小時行程，難度屬於低，沿途會經過多間茶座，有得飲，有得食。」
這麼健康的活動，我當然贊成兼鼓勵，不過老公從未行過山，所以先捉佢買定啲行山用品。他笑說：「唔使咁緊張啩，我喺泰國 Siam Paragon都行幾粒鐘啦……」結果還是依我說買齊行山背囊、行山鞋、厚襪和拐杖。
行山當日是5月30日，天氣變幻不定，時有暴風雨，到12:44，我忍不住給老公一個短訊，他回覆說：「行得好辛苦呀！」我心中忐忑不安，到13:53再收到他的短訊：「完成了。」咦？比預計時間多了兩小時喎？
老公回來後說：「太辛苦了，他們臨時再加插多一段，總共行咗16公里，腳都軟埋，仲話難度屬於低，我一年出的汗也沒有今日多……」
老公班朋友年年參加毅行者，上山落海如履平地，老公話平時飯敍時，聽佢哋講行山就輕鬆容易，原來真的是知易行難。
正如我身邊很多朋友見我扎扎針、開開方，就話藥到病除；其實背後是十多年的經驗、學識與磨練。
台上三分鐘，背後十年功。
註冊女中醫