Motorola Backflip作反！

做老細最怕打工仔作反，但手機就冇所謂，只要設計得宜，無論點反都會大受歡迎。講緊係最新水貨Motorola Backflip，創先河將屏幕置面、鍵盤置底，拗開就變成QWERTY機款，仲有電腦常用Touchpad，無論外形、操作都咁破格！

隱蔽自拍鏡頭

手機多數用直板、滑蓋或摺疊設計，而Motorola很久以前已出過顛覆傳統的旋屏V70，今次再玩破格機款，小記也不意外。齋望外表，會以為它是直板機，但原來機背並非電池蓋，而是完整四行QWERTY鍵盤，翻開後鍵盤就會放在屏幕底，方便雙手打字。而奇異的事就在這裏發生，原來鍵盤左下方還設有一組500萬像素鏡頭連LED閃燈，摺合時拍人，打開時自拍，無論咩形態都影到靚相。

Touchpad移位容易

手機沿用Android 1.5作業系統，冇錯是舊了點，但就內置Motoblur介面，首頁一開五，只要手指掃一掃芒就能切換。怕屏幕印滿指模？原來芒底還設有Notebook常用Touchpad，原理相同，用指尖便能移動屏幕鼠標；從此雙手持機時便能用拇指篤芒、食指移位，上網打字更得心應手！另外，此機有向Social Phone偷師，可把Facebook及Twitter等社交網集中處理，當中的「Happenings」小工具更會在首頁顯示朋友的最新狀態，唔怕Out！

翻開後外形有幾分似側滑蓋手機，而待機時仲會變身時鐘，毋須像Milestone要插機座先用到。而鏡頭連閃燈就放在QWERTY鍵盤左下角。售價：$4,880	機頂設有3.5mm介面，可接駁跟機耳筒。	厚度跟直立兩毫子相若，QWERTY機款嚟講唔算厚。
Touchpad藏身於屏幕背脊，手指輕掃就能移動鼠標，跟Notebook用法相同。	繼CLIQ後，終於再見摩記機用Motoblur介面，5個首頁任放Widget。