姚予晴恨拍寫真全裸唔拘
一眾模推出性感寫真集攻陷書展，名模姚予晴（Mikki）自嘲事業線不夠勁，就算肯露也無人問津，但就笑言若真的拍將會很激，以全裸上陣作賣點，認真大膽！
昨日Mikki為Valentino皮草活動擔任模特兒，透露自己有三至四件皮草珍藏。談到七月書展將會有不少模推出寫真集，問她可有興趣加入戰圈？她笑說：「我事業線唔夠勁喎，依家個個都好勁，就算我肯露都冇人吼啦！」雖然如此，她也考慮私下拍攝留個紀念，她說：「我其實都想影架，不過如果我真係影一定會好激，會nude晒，因為自己唔鍾意着三點式影，比堅尼都唔想，同埋我成日諗第時大肚一定會拍下大肚相留念囉！」
讀珠寶鑑證
此外，Mikki又表示近期是時裝界淡季，故打算趁這段時間報讀珠寶鑑證課程，她說：「其實我一直都想讀o架，不過成日的唔起心肝，咁啱呢排淡季唔係咁多嘢做咪讀囉，（會唔會唔做嘢讀書？）唔會，盡量唔想影響工作，暫定一個星期三晚。」Mikki又謂很希望能擁有以自己來命名的個人系列，她說：「我好想有個Mikki Collection，有機會都想同啲名師合作，希望個牌子可以做到國際化，嚟緊都想去外國睇多啲show或者行show，可以同啲設計師及名模混熟，為日後打好關係。」
皮草唔累贅
今次品牌的皮草系列，主要用上fox和mink來設計，有別於以往的傳統款式；設計師細意地用上不同物料來裝飾，如水晶、窩釘及閃片等，但卻十分輕身不會累贅，糅合了型格與高貴氣質於一身！
文：名人組