潮店rue Madame的創辦人Ariane Zagury昨日為新店開幕而到舖頭助陣，Ariane接受訪問時透露，早於08年已來港搞時裝，熱愛中國文化的她，除了改一個中文名「愛麗瑩」外，更開始學習廣東話，並希望定居香港。對於首次做時裝生意，便選擇離鄉別井，Ariane解釋：「我本身好鍾意香港呢個地方，又好鍾意時裝，發現香港嘅時裝好兩極化，好多超級名牌，又有好多大眾化嘅選擇，但就欠缺兩者之間嘅選擇，所以我將自己嘅店舖定位喺中間。」
Ariane更在法國老家取得潮牌Maje、Sandro和American Vintage的獨家代理，藉此將新店包裝得更富法國情懷，Ariane又謂會當買手，為顧客入貨之餘，又給她們穿着心得，而她發現顧客對此相當受落，她說：「我諗我喺香港發展，已經摸索啱方向。」