Amanda S.嚇男友唔結就分
與男朋友Christian拍拖多年的模特兒Amanda S.，昨日出席活動時，被問到婚期，她自稱與男友不是結婚便是分手，實行以二選一來向男友施壓逼婚。
名模Amanda S.昨日為I.T旗下的時裝品牌ZADIG & VOLTAIRE 10春夏時裝活動擔任嘉賓，即場炮製甜品兼為三位模特兒做Styling，對她來說可謂全無難度，她笑言：「美食同時裝呢兩樣係我最鍾意嘅嘢。（怕唔怕食太多美食肥咗着衫唔靚？）Yes，呢個都係一個好大嘅問題，不過我發覺自己喺香港食嘢易肥過喺法國，法國啲嘢食好多時都係以沙律為主，用好少油，香港就好多時都會將啲食物炸完又炒，兩倍油膩。」
實習後回港開Cafe
Amanda又表示：「三星期後便會到法國巴黎，喺當地一家餅店實習，閒時還會為年底推出嘅巴黎旅遊書作籌備工作，找尋美味嘅餐廳及拍照。（遲啲會唔會轉型做Styling嘅工作？）依家首要係美食先，我實習完返嚟就會準備開Cafe嘅事，第時有機會都想做吓Styling。」
朋友多唔會瞞婚
Lisa S.已和吳彥祖結婚，問幾時輪到她？她羨慕地說：「真係好sweet，佢哋都拍咗咁多年拖，我覺得佢哋好襯，對我嚟講，可能會同男友分手又可能會同佢結婚，將來嘅事無人知。（Lisa話佢自己係liar因為曾經瞞婚。）呢啲係個人嘅選擇，要尊重佢哋，可能想保持私隱，要明白佢哋。（如果你結婚會唔會公開？）我會，因為我想請好多朋友，請咁多人好難守到秘密。」 文：名人組