強勁Qosmio F60一部頂三部

今時今日的Notebook已經唔再係間中先用來做嘢、上網咁簡單，唔信你睇睇Toshiba Qosmio系列新機F60，已經可以充當埋桌面電腦、Blu-ray燒碟機，同埋客廳的影音中樞，而且仲可以拎住通屋走，你都咪話唔巴閉！

玩盡Blu-ray錄播

Qosmio F60其中一個強項，就係配備了一個可以播放同燒錄Blu-ray Disc的光碟機，平時影埋拍埋咁多相片同短片，甚至日日追的《鐵馬尋橋》同《千奇百趣香港地》，都可以儲埋咁多集，一次過燒晒落高達50GB的Blu-ray碟內，得閒拎番出嚟慢慢煲。Qosmio F60仲有「Resolution+超解像」獨特功能，按個掣就可以將播放緊的DVD畫質，提升到好似高清一樣，睇碟自然有更高享受。

3D Game應付自如

Qosmio F60定位於Desktop Replacement，內置Intel最新的Core i5處理器（2.4GHz）、4GB DDR3記憶體，同埋高達640GB容量硬碟，還配備NVIDIA GeForce GT330M獨立顯示晶片（1GB VRAM），足以應付高要求的3D遊戲，普通的工作、娛樂自然難唔倒佢。值得一提係筆記簿內置了harman/kardon喇叭和Dolby Sound Room音效，聽歌、睇戲、打機都更加逼真投入。機內具備了全尺寸鍵盤和獨立數字鍵，使用時的手感同桌面電腦差唔多。

採用15.6吋HD LED 16:9闊屏幕，配合內置的獨立顯示晶片，睇高清影片絕對冇問題。

採用15.6吋HD LED 16:9闊屏幕，配合內置的獨立顯示晶片，睇高清影片絕對冇問題。

鍵盤上方設有一對harman/kardon喇叭和輕觸式的多媒體熱鍵。

駁電視當Media Player

介面方面亦見齊全，具備4個USB插槽（其中一個可以免開機充電，另一個與eSATA共用）、讀卡器之外，還有HDMI介面，可以兼任埋Media Center的職責，接駁大電視播Blu-ray碟，或直接上網睇YouTube片都方便到極。此外，Qosmio F60配備一個15.6吋HD LED超顯亮闊屏幕（1,366×768解像度），亮紅配黑的機身設計型格十足，而且比以往的Qosmio系列做得更薄，最抵讚當然是如此強勁的規格和功能，加上內置多種東芝獨有的實用軟件，售價竟然唔使萬二蚊，十分抵玩。

機頂的1MP視像鏡頭，可以用來認樣登入電腦，喺屋企有時都要保障私隱嘛！	機身四邊設有多個插槽，左側提供了USB/eSATA、HDMI和毋須開機都可充電的USB介面。	鮮有Notebook具備Blu-ray燒碟功能，這也是Qosmio F60的賣點之一。
內置的東芝播片軟件具備「Resolution+超解像」功能，從圖中可見，未開及開啟這功能後的分別都幾明顯，後者色彩比較豐富。	放大圖片